sections

manoramaonline

MORE

കോടിയേരിക്കും പിണറായിക്കും പരാജയഭീതി; തിരിച്ചടിയുണ്ടാകും: കെ.സുരേന്ദ്രൻ

HIGHLIGHTS
  • പത്തനംതിട്ടയില്‍ ആര് സ്ഥാനാർഥിയാകണമെന്ന് ഒരു ചർച്ചയും നടന്നിട്ടില്ല
  • എന്തിനാണ് ദേശീയ നേതാക്കളെ ഇവിടേക്ക് ഇറക്കുമതി ചെയ്യുന്നത്
K Surendran
SHARE

പത്തനംതിട്ട∙ പരാജയ ഭീതി കാരണമാണ് കോടിയേരി ബാലകൃഷ്ണനും പിണറായി വിജയനും എൻഎസ്എസിനെതിരെ പ്രസ്താവനാ യുദ്ധം നടത്തുന്നതെന്നു ബിജെപി സംസ്ഥാന ജനറൽ സെക്രട്ടറി കെ.സുരേന്ദ്രൻ. എൻഎസ്എസ് ഏറ്റവും വലിയ സാമുദായിക പ്രസ്ഥാനമാണ്. അതിനെ തകർക്കാൻ ആരുനോക്കിയാലും നടക്കില്ല. തിരഞ്ഞെടുപ്പ് കഴിയുമ്പോൾ എൽഡിഎഫിന് അതു ബോധ്യമാകും. വിശ്വാസ സമൂഹത്തെ മുറിവേൽപ്പിച്ചതിനു തിരിച്ചടിയുണ്ടാകുമെന്നും മനോരമയ്ക്ക് അനുവദിച്ച അഭിമുഖത്തിൽ സുരേന്ദ്രൻ പറഞ്ഞു.

∙ പത്തനംതിട്ടയിൽ സ്ഥാനാർഥിയാകുന്നുവെന്ന അഭ്യൂഹം ഉണ്ടല്ലോ?

ബിജെപിക്ക് സാധ്യതയുള്ള മണ്ഡലങ്ങളിൽ ഒന്നാണ് പത്തനംതിട്ട. ആര് സ്ഥാനാർഥിയാകണമെന്ന് ഒരു ചർച്ചയും നടന്നിട്ടില്ല. 20 മണ്ഡലങ്ങളിലും സ്ഥാനാർഥികളെപ്പറ്റി അഭിപ്രായം സ്വരൂപിപ്പിക്കുന്നുണ്ട്.

∙ ദേശീയ നേതാക്കൾ സംസ്ഥാനത്ത് മത്സരിക്കുമോ?

യോഗ്യരായവർ ഇഷ്ടം പോലെ ഇവിടെയുണ്ട്. പിന്നെ എന്തിനാണ് ദേശീയ നേതാക്കളെ ഇവിടേക്ക് ഇറക്കുമതി ചെയ്യുന്നത്.

∙ മഞ്ചേശ്വരത്തെ തിരഞ്ഞെടുപ്പ് കേസ് പിൻവലിക്കാൻ പോകന്നുവെന്ന് കേൾക്കുന്നല്ലോ?

വെറുതെയാണ്. ഇതേവരെ ചിന്തിച്ചിട്ടില്ല.

∙ ശബരിമല കേസിൽ എല്ലാമാസവും ഒപ്പിടാൻ പത്തനംതിട്ടയിൽ എത്തുന്നത് ബുദ്ധിമുട്ടല്ലേ?

കോടതി നിർദ്ദേശപ്രകാരം അടുത്ത മാസം കൂടി ഒപ്പിടണം. അതു കഴിഞ്ഞ് ഒഴിവാക്കി കിട്ടാൻ കോടതിയെ സമീപിക്കും.

തൽസമയ വാർത്തകൾക്ക് മലയാള മനോരമ മൊബൈൽ ആപ് ഡൗൺലോഡ് ചെയ്യൂ
MORE IN LATEST NEWS
SHOW MORE
ഇവിടെ പോസ്റ്റു ചെയ്യുന്ന അഭിപ്രായങ്ങൾ മലയാള മനോരമയുടേതല്ല. അഭിപ്രായങ്ങളുടെ പൂർണ ഉത്തരവാദിത്തം രചയിതാവിനായിരിക്കും. കേന്ദ്ര സർക്കാരിന്റെ ഐടി നയപ്രകാരം വ്യക്തി, സമുദായം, മതം, രാജ്യം എന്നിവയ്ക്കെതിരായി അധിക്ഷേപങ്ങളും അശ്ലീല പദപ്രയോഗങ്ങളും നടത്തുന്നത് ശിക്ഷാർഹമായ കുറ്റമാണ്. ഇത്തരം അഭിപ്രായ പ്രകടനത്തിന് നിയമനടപടി കൈക്കൊള്ളുന്നതാണ്.
FROM ONMANORAMA