കേന്ദ്രം ‘ശാരദ’ രാഷ്ട്രീയ ആയുധമാക്കരുത്, ശരിയായി അന്വേഷിക്കണം: കാരാട്ട്

കണ്ണൂർ∙ ശാരദ ചിട്ടി കേസിൽ ശരിയായ അന്വേഷണം നടക്കണമെന്നാണു സിപിഎമ്മിന്റെ ആവശ്യമെന്നു പൊളിറ്റ് ബ്യൂറോ അംഗം പ്രകാശ് കാരാട്ട്. കേസിൽ മമത ബാനർജിയും കേന്ദ്രസർക്കാരും തമ്മിലുള്ള രാഷ്ട്രീയ പിടിവലിയാണു നടക്കുന്നത്. കേസിൽ ഉൾപ്പെട്ട ചില തൃണമൂൽ നേതാക്കൾ ബിജെപിയിൽ ചേർന്നതിനാൽ കേസന്വേഷണത്തിൽ കേന്ദ്രസർക്കാരും താൽപര്യം കാണിക്കുന്നില്ല. സിബിഐ സംസ്ഥാന സർക്കാരിനെ മറികടക്കരുത്. കേന്ദ്രസർക്കാർ ഈ കേസിനെ രാഷ്ട്രീയ ആയുധമാക്കരുതെന്നും പ്രകാശ് കാരാട്ട് പറഞ്ഞു.