ട്രാക്ക് അറ്റകുറ്റപ്പണി: ട്രെയിനുകൾക്ക് ഗതാഗത നിയന്ത്രണം

കൊച്ചി∙ ട്രാക്ക് അറ്റകുറ്റപ്പണി നടക്കുന്നതിനാൽ ട്രെയിനുകൾക്ക് ഗതാഗത നിയന്ത്രണം ഏർപ്പെടുത്തും. ഗുരുവായൂർ ചെന്നൈ എഗ്‌മൂർ എക്സ്പ്രസ് 10,11,14,15,16 തീയതികളിൽ രാത്രി 11:35നായിരിക്കും ഗുരുവായൂരിൽ നിന്നു പുറപ്പെടുക.13ന് രാത്രി 10:35നായിരിക്കും പുറപ്പെടുക.

മംഗളൂരു തിരുവനന്തപുരം എക്സ്പ്രസ് 1.15 മണിക്കൂറും ഭാവ്‌നഗർ കൊച്ചുവേളി എക്സ്പ്രസ് 2 മണിക്കൂറും നിസാമുദ്ദീൻ തിരുവനന്തപുരം രാജധാനി 25 മിനിറ്റും ശ്രീഗംഗാനഗർ കൊച്ചുവേളി എക്സ്പ്രസ്, പട്ന എറണാകുളം എക്സ്പ്രസ്, ഗാന്ധിധാം നാഗർകോവിൽ എക്സ്പ്രസ്, ഒാഖ എറണാകുളം എക്സ്പ്രസ്, നിസാമുദ്ദീൻ തിരുവനന്തപുരം എക്സ്പ്രസ്, ഹൈദരാബാദ് കൊച്ചുവേളി സ്പെഷൽ എന്നിവ 2 മണിക്കൂറും അങ്കമാലിക്കും ആലുവയ്ക്കുമിടയിൽ ഈ ദിവസങ്ങളിൽ പിടിച്ചിടും.