വലത്ത് ഹൈബി; ഇടത്ത് രാജീവ്: മമ്മൂട്ടിയുടെ കൗതുകവോട്ട്; പ്രതികരണം: വിഡിയോ
Mail This Article
കൊച്ചി∙ നടൻ മമ്മൂട്ടി ഭാര്യ സുൽഫത്തിനൊപ്പം പനമ്പിള്ളി നഗർ ഗവ. ഗേൾസ് ഹയർ സെക്കൻഡറി സ്കൂളിലെ 105–ാം നമ്പർ ബൂത്തിൽ വോട്ട് രേഖപ്പെടുത്തി.
എറണാകുളം മണ്ഡലത്തിലെ ഇടത് വലത് സ്ഥാനാർഥികളായ പി രാജീവ് ഹൈബി ഈഡൻ എന്നിവർക്കൊപ്പമാണ് മമ്മൂട്ടി പോളിങ് ബൂത്തിലെത്തിയത്. ആരും വോട്ടു പാഴാക്കരുതെന്നായിരുന്നു സമ്മതിദാനാവകാശം വിനിയോഗിച്ച ശേഷമുള്ള മമ്മൂട്ടിയുടെ അഭ്യർഥന.
നടന് മോഹന്ലാല് തിരുവനന്തപുരം മുടവന്മുകള് ഗവണ്മെന്റ് എല്.പി.സ്കൂളില് വോട്ടു ചെയ്തു. ക്യൂ നില്ക്കാതെ വോട്ടുചെയ്യാമെന്ന് മറ്റുവോട്ടര്മാര് പറഞ്ഞെങ്കിലും ഒരു മണിക്കൂറിലേറെ ക്യൂവില് നിന്നാണ് താരം വോട്ടുചെയ്തത്.
പലപ്പോഴും വോട്ട് ചെയ്യാന് സാധിച്ചിട്ടില്ലെന്നും ഇത്തവണ പഠിച്ച സ്കൂളില് തന്നെ വോട്ട് ചെയ്യാന് സാധിച്ചതില് സന്തോഷമുണ്ടെന്നും മോഹന്ലാല് പറഞ്ഞു.
English Summary: Kerala Parliamentary Election live Updates Ernakulam, Mammootty