കോട്ടയത്ത് ബോംബ് സ്ഫോടനം നടത്തുമെന്ന് ഭീഷണി; പൊലീസ് പരിശോധന നടത്തി

കോട്ടയം∙ ജില്ലയിൽ ബോംബ് സ്ഫോടനം നടത്തുമെന്ന അജ്ഞാത സന്ദേശത്തെ തുടർന്നു പൊലീസ് പരിശോധന നടത്തി. തലയോലപ്പറമ്പു സ്വദേശി ബോംബു സ്ഫോടനം നടത്തുമെന്നാണു ഡിജിപിയുടെ ഓഫിസിൽ അജ്ഞാത സന്ദേശം എത്തിയത്. 4 ദിവസം മുമ്പു ലഭിച്ച സന്ദേശത്തെ തുടർന്നു തലയോലപ്പറമ്പു സ്വദേശിയെ പൊലീസ് കസ്റ്റഡിയിൽ എടുത്തു. വീടു പരിശോധന നടത്തി. ജില്ലയിൽ കനത്ത സുരക്ഷയുണ്ട്. ഇന്റർനെറ്റിലൂടെയാണു ഫോൺ ചെയ്തത്. ഫോൺ വിളിച്ചയാളെ കണ്ടെത്താനും ശ്രമമമുണ്ട്. കൊലപാതക കേസിലെ പ്രതിയാണു തലയോലപ്പറമ്പു സ്വദേശി.

English Summary: Kottayam Bomb Blast Threat, Kerala Police