ആഭ്യന്തരമന്ത്രിയായി അമിത് ഷായും പ്രതിരോധമന്ത്രിയായി രാജ്നാഥ് സിങ്ങും ചുമതലയേറ്റു

ന്യൂഡൽഹി∙ ബിജെപി ദേശീയ അധ്യക്ഷന്‍ അമിത് ഷാ കേന്ദ്ര ആഭ്യന്തരമന്ത്രിയായി ചുമതലയേറ്റു. സഹമന്ത്രിമാരായ നിത്യാനന്ദ റായും കിഷന്‍ റെഡ്ഡിയും അമിത് ഷായ്ക്കൊപ്പം ചുമതലകളേറ്റെടുത്തു. കേന്ദ്ര കാബിനറ്റ് സെക്രട്ടറി രാജീവ് ഗൗബ നോര്‍ത്ത് ബ്ലോക്കിലെ ഓഫിസിലേയ്ക്ക് അമിത് ഷായെ സ്വീകരിച്ചു. ചുമതലയേറ്റെടുത്ത അമിത് ഷാ മന്ത്രാലയത്തിലെ ഉദ്യോഗസ്ഥരുമായി കൂടിക്കാഴ്ച നടത്തി.

ആഭ്യന്തരമന്ത്രി പദവിയിലുണ്ടായിരുന്ന രാജ്നാഥ് സിങ് പ്രതിരോധമന്ത്രിയായും ചുമതലയേറ്റു. ദേശീയ യുദ്ധ സ്മാരകത്തില്‍ പുഷ്പചക്രമര്‍പ്പിച്ച ശേഷമാണ് രാജ്നാഥ് സിങ് ഓഫിസിലെത്തിയത്. രാവിലെ അമിത് ഷായും ധനമന്ത്രി നിര്‍മല സീതാരാമനും രാജ്നാഥ് സിങ്ങിനെ അദ്ദേഹത്തിന്‍റെ വസതിയിലെത്തി സന്ദർശിച്ചിരുന്നു.

English summary: Amit Shah and Rajnath Singh takes charge