ആറു വയസുകാരന്റെ മരണകാരണം ഡിഫ്തീരിയ: പ്രതിരോധ കുത്തിവയ്പ് എടുത്തിട്ടില്ല

മലപ്പുറം∙ എടപ്പാളിൽ കഴി‍ഞ്ഞ ദിവസം മരിച്ച ആറു വയസ്സുകാരന്റെ മരണകാരണം ഡിഫ്തീരിയയെന്ന് സ്ഥിരീകരിച്ചു. കുട്ടിക്ക് രോഗപ്രതിരോധ കുത്തിവയ്പ്പ് എടുത്തിരുന്നില്ലെന്ന് മലപ്പുറം ഡി.എം.ഒ അറിയിച്ചു. കുട്ടിയുമായി അടുത്ത് ഇടപഴകിയവർ ആരോഗ്യ വകുപ്പിന്റെ നിരീക്ഷണത്തിലാണ്. തവനൂരിലും സമീപത്തെ സ്കൂളുകളിലും അടിയന്തിരമായി വാക്സിനേഷൻ നൽകാൻ നീക്കം തുടങ്ങി. 

തൃശൂർ മെഡിക്കൽ കോളജിൽ ചികിത്സയിലായിരുന്ന കുട്ടി ഇന്നലെയാണ് മരിച്ചത്.  പൊന്നാനി താലൂക്ക് ആശുപത്രിയിൽ ചികിത്സ തേടിയെത്തിയ കുട്ടിയെ രോഗബാധ സ്ഥിരീകരിച്ചതിനെത്തുടർന്ന് നാലുദിവസം മുൻപാണ് മെഡിക്കൽ കോളജിലേക്കു മാറ്റിയത്.