മംഗളുരുവിൽനിന്നും താംബരത്തേക്ക് പ്രത്യേക ട്രെയിൻ; സർവീസ് ജൂൺ 16ന്

മംഗളുരു∙ ജൂൺ 16 ന് മംഗളുരു സെൻട്രലിൽ നിന്നും മദ്രാസിനു സമീപമുള്ള താംബരത്തേക്കു സ്പെഷൽ ട്രെയിൻ (ട്രെയിൻ നമ്പർ 06040) സർവീസ് നടത്തുന്നു. മംഗളുരുവിൽ നിന്നും ഉച്ചക്ക് 2.50 ന് പുറപ്പെടുന്ന ട്രെയിൻ കോഴിക്കോട് വൈകുന്നേരം 6.05 ന് എത്തും. അവിടെനിന്നും 6 .10 ന് പുറപ്പെട്ട് താംബരത്തു പിറ്റേന്നു രാവിലെ 11 മണിക്ക് എത്തി ചേരും. 

കാസർഗോഡ്, കണ്ണൂർ, തലശേരി, വടകര ,ഒറ്റപ്പാലം ,പാലക്കാട് ,കോയമ്പത്തൂർ, തിരുപൂർ, ഈറോഡ്, സേലം, ജോലാർപ്പേട്ട്, കാട് പാടി ,ആർക്കോണം, പെരമ്പൂർ, ചെന്നെ എഗ്മൂർ എന്നി സ്റ്റേഷനുകളിൽ സ്റ്റോപ്പുള്ള ഈ വണ്ടിയിലേക്ക് തേർഡ് എസി, സ്ലീപ്പർ കമ്പാർട്ട്മെന്റുകളിലേക്കുള്ള റിസർവേഷൻ ആരംഭിച്ചു.