മുഖ്യമന്ത്രി ആത്മീയത നഷ്ടപ്പെട്ട നാറാണത്തുഭ്രാന്തനെപ്പോലെ: ശ്രീധരൻപിള്ള

പത്തനംതിട്ട∙ ആത്മീയത നഷ്ടപ്പെട്ട നാറാണത്തുഭ്രാന്തനെപ്പോലെയാണ് മുഖ്യമന്ത്രിയെന്ന് ബിജെപി സംസ്ഥാന അധ്യക്ഷൻ പി.എസ്. ശ്രീധരൻപിള്ള. പൊലീസിനെ വിമർശിച്ചത് യൂണിവേഴ്സിറ്റി കോളജ് വിഷയത്തിൽ നിന്ന് ശ്രദ്ധ തിരിക്കാൻ വേണ്ടിയാണ്. മുഖ്യമന്ത്രി മലർന്നു കിടന്നു തുപ്പുകയാണ്. പിഎസ്​സിയുടെ വിശ്വാസ്യത നഷ്ടപ്പെട്ടു. പിഎസ്​സിയിലും സിപിഎം ഫ്രാക്ഷൻ ആണെന്നും ശ്രീധരൻപിള്ള പറഞ്ഞു.

ശബരിമല വിഷയത്തിൽ പൊലീസ് സർക്കാരിനെ ഒറ്റിക്കൊടുത്തെന്ന് മുഖ്യമന്ത്രി ഇന്നലെ പറഞ്ഞിരുന്നു. ആദ്യ ഘട്ടത്തിൽ നല്ല നിലയിൽ പ്രവർത്തിച്ചെങ്കിലും തമിഴ്നാട്ടിലെ മനിതി സംഘം വന്നപ്പോൾ നാറാണത്തു ഭ്രാന്തനെപ്പോലെയാണ് പൊലീസ് പെരുമാറിയതെന്നുമാണ് മുഖ്യമന്ത്രി  പൊലീസ് ഉദ്യോഗസ്ഥരുടെ യോഗത്തിൽ പറഞ്ഞത്.