പത്തനംതിട്ട, കാസർകോട് ജില്ലകളിലും ഇന്ന് വിദ്യാഭ്യാസ സ്ഥാപനങ്ങള്ക്ക് അവധി
Mail This Article
മഴ തുടരുന്ന സാഹചര്യത്തില് പത്തനംതിട്ട, കാസർകോട്, എറണാകുളം, കോഴിക്കോട്, വയനാട്, തൃശൂര്, മലപ്പുറം, കണ്ണൂർ, കോട്ടയം, ഇടുക്കി, ആലപ്പുഴ ജില്ലകളില് ബുധനാഴ്ച വിദ്യാഭ്യാസ സ്ഥാപനങ്ങള്ക്ക് കലക്ടര്മാര് അവധി പ്രഖ്യാപിച്ചു.
പത്തനംതിട്ടയിലും കാസർകോട്ടും പ്രഫഷനൽ കോളജുകൾ അടക്കമുള്ള എല്ലാ വിദ്യാഭ്യാസ സ്ഥാപനങ്ങൾക്കും ജില്ലാ കലക്ടർമാർ അവധി പ്രഖ്യാപിച്ചു.
എറണാകുളം ജില്ലയിലെ പ്രഫഷനല് കോളജുകള് അടക്കമുള്ള എല്ലാ വിദ്യാഭ്യാസ സ്ഥാപനങ്ങള്ക്കും അവധിയാണ്. സിബിഎസ്ഇ, ഐസിഎസ്ഇ തുടങ്ങിയ എല്ലാ സിലബസുകളിലുമുള്ള സ്കൂളുകള്ക്കും കേന്ദ്രീയ വിദ്യാലയങ്ങള്, അങ്കണവാടികള് എന്നിവയ്ക്കും അവധി ബാധകമായിരിക്കും.
വയനാട്, കോഴിക്കോട് ജില്ലകളിൽ പ്രഫഷനൽ കോളജുകൾ ഉൾപ്പെടെ എല്ലാ വിദ്യാഭ്യാസ സ്ഥാപനങ്ങൾക്കും അവധിയാണ്. വയനാട്ടിൽ മോഡല് റസിഡന്ഷ്യല് സ്കൂളുകള്ക്ക് അവധി ബാധകമല്ല. സര്വകലാശാലാ പരീക്ഷകള്ക്കു മാറ്റമില്ല.
കണ്ണൂർ ജില്ലയിലെ പ്രഫഷനൽ കോളജ് ഒഴികെയുള്ള വിദ്യാദ്യാസ സ്ഥാപനങ്ങൾക്ക് (സിബിഎസ്ഇ, ഐസിഎസ് ഉൾപ്പെടെ) അവധി പ്രഖ്യാപിച്ചു. മദ്രസകൾക്കും അങ്കണവാടികൾക്കും അവധി ബാധകം. കോട്ടയം, ഇടുക്കി, ആലപ്പുഴ ജില്ലകളിൽ പ്രഫഷനൽ കോളജുകൾ ഉൾപ്പെടെ എല്ലാ വിദ്യാഭ്യാസ സ്ഥാപനങ്ങൾക്കും അവധി പ്രഖ്യാപിച്ചു. പത്തനംതിട്ട ജില്ലയിൽ ദുരിതാശ്വാസ ക്യാംപുകൾ പ്രവർത്തിക്കുന്ന സ്കൂളുകൾക്ക് അവധിയായിരിക്കും.
English Summary: Eductaional holiday declared during Rain Havoc