കൊങ്കൺ പാതയിൽ പണി പുരോഗമിക്കുന്നു; വെകിട്ടോടെ തീവണ്ടികൾ കടത്തിവിട്ടേക്കും

മംഗളൂരു ∙ മണ്ണിടിഞ്ഞ് തീവണ്ടി ഗതാഗതം തടസപ്പെട്ട കൊങ്കൺ പാതയിൽ പണി ദ്രുതഗതിയിൽ പുരോഗമിക്കുന്നു. വൈകിട്ടോടെ പാതയിൽ തീവണ്ടികൾ കടത്തിവിടുമെന്നാണ് സൂചന. പോർബന്തർ, മംഗള, നേത്രാവതി എന്നീ ട്രെയിനുകൾ പാലക്കാട് വഴി തിരിച്ചുവിട്ടു.

വെള്ളിയാഴ്ചയാണ് പടീൽ-കുലശേഖര റെയിൽവേ സ്റ്റേഷനുകൾക്ക് ഇടയിൽ പാളത്തിൽ മണ്ണിടിഞ്ഞ് ട്രെയിൻ ഗതാഗതം തടസപ്പെട്ടത്. മംഗലാപുരം – മംഗളൂരു ജംക്‌ഷൻ റെയിൽവേ സ്റ്റേഷനിൽനിന്ന് മൂന്നര കിലോമീറ്റർ വടക്കാണ് സംഭവം നടന്നത്. മുകളിൽനിന്ന് മണ്ണുനീക്കുന്നത് അനുസരിച്ച് ചെളിയിറങ്ങുന്നതിനാൽ ഗതാഗത തടസ്സം രണ്ടാഴ്ചയോളം നീണ്ടേക്കുമെന്നാണ് കഴിഞ്ഞ ദിവസം റെയിൽവേ അധികൃതർ അറിയിച്ചത്.