sections
MORE

കാലവർഷം പെയ്തിറങ്ങി, കേരളം തുളുമ്പി; കൂടുതല്‍ മഴ പാലക്കാട്, പിന്നിൽ ഇടുക്കി

SHARE

തിരുവനന്തപുരം ∙ ഇത്തവണ മഴ കുറഞ്ഞുപോയല്ലോ എന്ന സങ്കടം തീർത്ത് കോരിച്ചൊരിഞ്ഞ് കാലവർഷം. കേരളത്തിലാകമാനം 13 ശതമാനം അധികം മഴ കിട്ടിയതായി കാലാവസ്ഥാ നിരീക്ഷണ കേന്ദ്രം അറിയിച്ചു. ഏറ്റവും കൂടുതല്‍ മഴ കിട്ടിയതു പാലക്കാട് ജില്ലയിലാണ്. സാധാരണത്തേക്കാൾ 42 ശതമാനം കൂടുതൽ മഴയാണു പാലക്കാട് പെയ്തത്. നാലു ദിവസം കൂടി കേരളത്തില്‍ പരക്കെ മഴ പെയ്യുമെന്നാണു പ്രവചനം.

കാലവര്‍ഷം അവസാന രണ്ടാഴ്ചയിലേക്കു കടക്കുകയാണ്. 1,885 മില്ലി മീറ്റര്‍ കിട്ടേണ്ട കാലയളവില്‍ 2130 മില്ലി മീറ്റര്‍ മഴയാണു പെയ്തതത്. പാലക്കാട് കഴിഞ്ഞാൽ മലപ്പുറവും കോഴിക്കോടും കണ്ണൂരുമാണു മഴ കൂടുതല്‍ കിട്ടിയ ജില്ലകള്‍. കോഴിക്കോട് 37, മലപ്പുറത്ത് 23, കണ്ണൂരില്‍ 20 ശതമാനം വീതം അധികം ലഭിച്ചു. മഴക്കണക്കില്‍ ഏറ്റവും പിറകില്‍ ഇടുക്കിയാണ്. മുൻ വർഷത്തേക്കാൾ 11 ശതമാനം മഴയാണു ജില്ലയില്‍ കുറഞ്ഞത്.

പ്രളയദുരന്തം നേരിട്ട വയനാട്ടിലും മഴയിൽ അഞ്ച് ശതമാനം കുറവുണ്ട്. ജൂണില്‍ പൊതുവെ സംസ്ഥാനത്തു മഴ കുറവായിരുന്നു. ജൂലൈയില്‍ ചില ജില്ലകളില്‍ ശക്തിപ്പെട്ടെങ്കിലും ഒാഗസ്റ്റ് ആദ്യ ആഴ്ചവരെ 30 ശതമാനം മഴ കുറവായിരുന്നു. ഒാഗസ്റ്റ് ഏഴു മുതലുള്ള ഒരാഴ്ചക്കാലത്തെ തീവ്രമഴയാണു മഴക്കണക്കിലെ കുറവ് നികത്തിയത്. വരുന്ന നാലു ദിവസത്തിനുശേഷം മഴയില്‍ കുറവുണ്ടാകുമെന്നാണു കാലാവസ്ഥാ പ്രവചനം.

Rain | Kerala
പ്രതീകാത്മക ചിത്രം
തൽസമയ വാർത്തകൾക്ക് മലയാള മനോരമ മൊബൈൽ ആപ് ഡൗൺലോഡ് ചെയ്യൂ
MORE IN LATEST NEWS
SHOW MORE
ഇവിടെ പോസ്റ്റു ചെയ്യുന്ന അഭിപ്രായങ്ങൾ മലയാള മനോരമയുടേതല്ല. അഭിപ്രായങ്ങളുടെ പൂർണ ഉത്തരവാദിത്തം രചയിതാവിനായിരിക്കും. കേന്ദ്ര സർക്കാരിന്റെ ഐടി നയപ്രകാരം വ്യക്തി, സമുദായം, മതം, രാജ്യം എന്നിവയ്ക്കെതിരായി അധിക്ഷേപങ്ങളും അശ്ലീല പദപ്രയോഗങ്ങളും നടത്തുന്നത് ശിക്ഷാർഹമായ കുറ്റമാണ്. ഇത്തരം അഭിപ്രായ പ്രകടനത്തിന് നിയമനടപടി കൈക്കൊള്ളുന്നതാണ്.
FROM ONMANORAMA