ജോസ് ടോം ജയിക്കില്ലെന്ന് യുഡിഎഫിനെ അറിയിച്ചു; ജോസ് കെ മാണിക്കെതിരെ വീണ്ടും പി.ജെ.ജോസഫ്

പാലാ∙ പാലായിൽ ജോസ്  ടോമിനു ജയസാധ്യതയില്ലെന്നു യുഡിഎഫ് നേതൃത്വത്തെ അറിയിച്ചിരുന്നതായി പി.ജെ . ജോസഫ്. ജയിപ്പിച്ചോളാമെന്നായിരുന്നു യോഗത്തിൽ ജോസ് കെ. മാണിയുടെ മറുപടി. തോൽവിയുടെ പൂർണ ഉത്തരവാദിത്തവും ജോസ് കെ. മാണിക്കാണ്. അത് കേരളാ കോൺഗ്രസിന്റെ തലയിൽ കെട്ടിവയ്ക്കേണ്ടതില്ല. യഥാർഥ ഉത്തരവാദിയെ യുഡിഎഫ് കണ്ടെത്തണമെന്നും പി.ജെ ജോസഫ് പറഞ്ഞു. 

പക്വതയില്ലായ്മ ചിലരുടെ പിടിവാശിയും പ്രസ്താവനകളുമാണെന്നായിരുന്നു  ജോസ് കെ മാണിയുടെ പ്രതികരണം. ഉപതിരഞ്ഞെടുപ്പു വരുന്നതിനാൽ കൂടുതൽ പ്രതികരിക്കാനില്ല. സ്ഥാനാർഥി നിർണയം മുതൽ ആരാണു പ്രസ്താവനകൾ നടത്തിയതെന്നും ജോസ് കെ. മാണി ചോദിച്ചു.