ന്യൂയോർക്കിലെ സ്വകാര്യ ക്ലബ്ബിൽ വെടിവയ്പ്; നാലു പേർ കൊല്ലപ്പെട്ടു

ന്യൂയോർക്ക്∙ യുഎസിലെ ബ്രൂക്‌ലിനിൽ 74 യൂടികാ അവന്യൂവിലുണ്ടായ വെടിവയ്പിൽ നാലു പേർ കൊല്ലപ്പെട്ടു. പരുക്കേറ്റ മൂന്നു പേരെ ആശുപത്രിയിൽ പ്രവേശിപ്പിച്ചു. ബ്രൂക്‌ലിനിലെ ഒരു സ്വകാര്യ ക്ലബ്ബിൽ പ്രാദേശിക സമയം ശനിയാഴ്ച രാവിലെ 6.55നാണ് വെടിവയ്പ് നടന്നതെന്നാണ് ന്യൂയോർക്ക് പൊലീസ് അറിയിച്ചത്. 

സംഭവുമായി ബന്ധപ്പെട്ട് ആരെയും ഇതുവരെ അറസ്റ്റു ചെയ്തിട്ടില്ല. ആക്രമണം നടക്കാനുണ്ടായ സാഹചര്യം പരിശോധിച്ചു വരികയാണെന്ന് പൊലീസ് അറിയിച്ചു. പരുക്കേറ്റ മൂന്നു പേരിൽ ഒരു സ്ത്രീയും രണ്ടു പുരുഷന്മാരും ഉൾപ്പെടും. ഇവരിൽ ഒരാളുടെ കൈയ്ക്കും മറ്റു രണ്ടു പേരുടെ കാലിനുമാണ് വെടിയേറ്റത്. ഇവരുടെ നില ഗുരുതരമല്ലെന്നാണ് പൊലീസ് വൃത്തങ്ങൾ നൽകുന്ന സൂചന.

English Summary : 4 killed, 3 injured in Brooklyn Shooting