ADVERTISEMENT

ന്യൂഡൽഹി∙ പ്രധാനമന്ത്രി നരേന്ദ്രമോദിയുടെ സഹോദരപുത്രിയെ അജ്ഞാതസംഘം കൊള്ളയടിച്ചു. ബൈക്കിലെത്തിയ രണ്ടുപേരടങ്ങുന്ന സംഘമാണ് ദമയന്തി ബെന്‍ മോദിയുടെ പഴ്സും മൊബൈലും അടക്കം തട്ടിയെടുത്തത്. ഡൽഹി സിവില്‍ ലൈന്‍സിലുള്ള ഗുജറാത്തി സമാജ് ഭവന്‍റെ ഗേറ്റിന് സമീപത്തു വച്ചാണ് സംഭവം.

സമാജ് ഭവനിൽ ഒട്ടോറിക്ഷയിൽ വന്നിറങ്ങിയ ദമയന്തിയുടെ കൈയിൽ നിന്ന് മോഷണസംഘം മൊബൈലും പേഴ്സും കവർന്നെടുക്കുകയായിരുന്നു.  56,000 രൂപയും പ്രധാനപ്പെട്ട ചില രേഖകളും അടങ്ങിയ പേഴ്സും രണ്ടു മൊബൈല്‍ ഫോണുകളും കൊള്ള സംഘം കൊണ്ടുപോയെന്ന് ദമയന്തി പൊലീസിനെ അറിയിച്ചു.  

അമൃത്‌സറിൽ നിന്നു ഡൽഹിയിലെത്തിയ ദമയന്തി ഗുജറാത്തി സമാജ് ഭവനില്‍ മുറി എടുത്തിരുന്നു. അവിടെ ഓട്ടോയിൽ വന്നിറങ്ങിയപ്പോഴാണ് സംഭവം. പരാതിയെ തുടർന്ന് പൊലീസ് അന്വേഷണം ആരംഭിച്ചു. റെയിൽവേ സ്റ്റേഷൻ മുതൽ സിവിൽ ലൈൻ വരെയുള്ള സിസിടിവി ദൃശ്യങ്ങൾ പരിശോധിച്ചു വരികയാണെന്ന് പൊലീസ് അറിയിച്ചു. ഡൽഹി മുഖ്യമന്ത്രി  അരവിന്ദ് കേജ്‌രിവാളിന്റെ വസതിയിൽ നിന്നു ഏതാനം കിലോമീറ്റർ ദൂരെയാണു സംഭവം.

English Summary : PM Modi's Niece Robbed in Delhi

ഇവിടെ പോസ്റ്റു ചെയ്യുന്ന അഭിപ്രായങ്ങൾ മലയാള മനോരമയുടേതല്ല. അഭിപ്രായങ്ങളുടെ പൂർണ ഉത്തരവാദിത്തം രചയിതാവിനായിരിക്കും. കേന്ദ്ര സർക്കാരിന്റെ ഐടി നയപ്രകാരം വ്യക്തി, സമുദായം, മതം, രാജ്യം എന്നിവയ്ക്കെതിരായി അധിക്ഷേപങ്ങളും അശ്ലീല പദപ്രയോഗങ്ങളും നടത്തുന്നത് ശിക്ഷാർഹമായ കുറ്റമാണ്. ഇത്തരം അഭിപ്രായ പ്രകടനത്തിന് നിയമനടപടി കൈക്കൊള്ളുന്നതാണ്.
തൽസമയ വാർത്തകൾക്ക് മലയാള മനോരമ മൊബൈൽ ആപ് ഡൗൺലോഡ് ചെയ്യൂ
അവശ്യസേവനങ്ങൾ കണ്ടെത്താനും ഹോം ഡെലിവറി  ലഭിക്കാനും സന്ദർശിക്കു www.quickerala.com