sections
MORE

ദാരിദ്ര്യം അറിഞ്ഞത് പുസ്തകങ്ങളില്‍നിന്നല്ല; താന്‍ അതില്‍ ജീവിച്ചു: നരേന്ദ്ര മോദി

Narendra Modi
SHARE

റിയാദ്∙ ദാരിദ്ര്യത്തെക്കുറിച്ചു പുസ്തകത്തില്‍നിന്നു പഠിച്ചതല്ലെന്നും താന്‍ അതില്‍ ജീവിച്ചതാണെന്നും പ്രധാനമന്ത്രി നരേന്ദ്ര മോദി. സൗദിയില്‍ ഫ്യൂച്ചര്‍ ഇന്‍വെസ്റ്റ്‌മെന്റ് ഇന്‍ഷ്യേറ്റീവ് (എഫ്‌ഐഐ) പരിപാടിയില്‍ സംസാരിക്കുകയായിരുന്നു മോദി. ശൗചാലയ നിര്‍മാണത്തെക്കുറിച്ചും മറ്റു സര്‍ക്കാര്‍ പദ്ധതികളെക്കുറിച്ചുമുള്ള ചോദ്യത്തിനു മറുപടി നല്‍കുകയായിരുന്നു അദ്ദേഹം. 

രാഷ്ട്രീയ പാരമ്പര്യമുള്ള കുടുംബത്തില്‍നിന്ന് ഉയര്‍ന്നുവന്ന ആളല്ല താനെന്നും റെയില്‍വേ പ്ലാറ്റ്‌ഫോമില്‍ ചായ വിറ്റിരുന്ന ജീവിത പശ്ചാത്തലത്തില്‍നിന്നാണു വരുന്നതെന്നും അദ്ദേഹം പറഞ്ഞു. കുറച്ചു വര്‍ഷങ്ങള്‍ക്കുള്ളില്‍ ഇന്ത്യയില്‍ ദാരിദ്ര്യ നിര്‍മാര്‍ജനം വിജയകരമായി നടപ്പാക്കാന്‍ കഴിയും. ദരിദ്രരെ ശാക്തീകരിച്ച് ദാരിദ്ര്യത്തിനെതിരെ പോരാട്ടം നടത്തുകയാണു തന്റെ ലക്ഷ്യമെന്നും മോദി പറഞ്ഞു.

പാവപ്പെട്ടവർ അന്തുസുള്ള നിലയെത്തണം. അവര്‍ക്കു തന്നെ സ്വയം ദാരിദ്ര്യം അവസാനിപ്പിക്കുമെന്നു പറയാന്‍ കഴിയുന്നിടത്താണ് ഭരണകൂടത്തിനു തൃപ്തിയുണ്ടാകുക. അവരെ ശാക്തീകരിക്കുകയാണ് ചെയ്യേണ്ടതെന്നും മോദി പറഞ്ഞു. ശൗചാലയങ്ങള്‍ നിര്‍മിച്ചതും ബാങ്ക് അക്കൗണ്ടുകള്‍ തുടങ്ങിയതും ദരിദ്രരെ സര്‍ക്കാര്‍ പരിഗണിക്കുന്നുവെന്ന ബോധം അവര്‍ക്കു തന്നെയുണ്ടാക്കി. ഇന്ത്യയിലുണ്ടാക്കുന്ന മാറ്റങ്ങള്‍ ലോകത്താകെ പ്രതിഫലിക്കുന്നതില്‍ അഭിമാനമുണ്ടെന്നും മോദി വ്യക്തമാക്കി.

English Summary: Haven't Learned Poverty From Books: PM Modi

തൽസമയ വാർത്തകൾക്ക് മലയാള മനോരമ മൊബൈൽ ആപ് ഡൗൺലോഡ് ചെയ്യൂ
MORE IN LATEST NEWS
SHOW MORE
ഇവിടെ പോസ്റ്റു ചെയ്യുന്ന അഭിപ്രായങ്ങൾ മലയാള മനോരമയുടേതല്ല. അഭിപ്രായങ്ങളുടെ പൂർണ ഉത്തരവാദിത്തം രചയിതാവിനായിരിക്കും. കേന്ദ്ര സർക്കാരിന്റെ ഐടി നയപ്രകാരം വ്യക്തി, സമുദായം, മതം, രാജ്യം എന്നിവയ്ക്കെതിരായി അധിക്ഷേപങ്ങളും അശ്ലീല പദപ്രയോഗങ്ങളും നടത്തുന്നത് ശിക്ഷാർഹമായ കുറ്റമാണ്. ഇത്തരം അഭിപ്രായ പ്രകടനത്തിന് നിയമനടപടി കൈക്കൊള്ളുന്നതാണ്.
FROM ONMANORAMA