ശബരിമലയിൽ ആചാരങ്ങൾ സംരക്ഷിക്കണമെന്ന് മേൽശാന്തി; അനുകൂല വിധി പ്രതീക്ഷിക്കുന്നു
Mail This Article
ശബരിമല∙ ആചാരങ്ങള് സംരക്ഷിക്കണമെന്നും നിലനില്ക്കണമെന്നും ശബരിമല മേല്ശാന്തി വി.എന്.വാസുദേവന് നമ്പൂതിരി. സുപ്രീംകോടതിയില് നിന്ന് അനുകൂലവിധി പ്രതീക്ഷിക്കുന്നു. വെല്ലുവിളി നിറഞ്ഞ സാഹചര്യമാണ് പിന്നിട്ടത്. തീര്ഥാടകരുടെ എണ്ണം കുറയാന് കാരണം ശബരിമലയിലെ പ്രശ്നങ്ങളാണെന്നും സര്ക്കാര് നിലപാട് എന്തെന്നല്ല പ്രശ്നമെന്നും വി.എന്.വാസുദേവന് നമ്പൂതിരി പറഞ്ഞു.
എന്നാൽ അയ്യപ്പന്റെ യുക്തിപ്രകാരം വിധിവരുമെന്നായിരുന്നു ശബരിമല നിയുക്ത മേല്ശാന്തി സുധീര് നമ്പൂതിരിയുടെ പ്രതികരണം. എല്ലാം അയ്യപ്പനില് സമര്പ്പിക്കുന്നു. പൂജമാത്രമാണ് തന്റെ നിയോഗം. ഭക്തിനിര്ഭരമായ തീര്ഥാടനകാലമാണ് പ്രതീക്ഷിക്കുന്നതെന്നും സുധീര് നമ്പൂതിരി പറഞ്ഞു.
ശബരിമല യുവതീ പ്രവേശനം സംബന്ധിച്ച പുനഃപരിശോധനാ ഹർജികളിൽ രാവിലെ 10.30ന് സുപ്രീംകോടതി വിധിപറയും. ചീഫ് ജസ്റ്റിസ് രഞ്ജൻ ഗൊഗോയി അധ്യക്ഷനായ ബെഞ്ചാണു വിധിപറയുന്നത്.
English Summary: Sabarimala Priest V N Vasudevan Namboothiri's reaction on Supreme Court Verdict