ദിലീപ് അടക്കമുള്ളവർ ചൊവ്വാഴ്ച ഹാജരാകണം; ഒൻപതാം പ്രതിയുടെ ജാമ്യം റദ്ദാക്കി
Mail This Article
കൊച്ചി∙ നടിയെ ആക്രമിച്ച കേസില് വിചാരണ നടപടികൾ പുനരാരംഭിച്ചു. അടുത്ത ചൊവ്വാഴ്ച കേസ് വീണ്ടും പരിഗണിക്കും. വിചാരണക്കായി ഹൈക്കോടതി നിയോഗിച്ച കൊച്ചി സിബിഐ കോടതിയിലാണു നടപടികൾ. അതേസമയം ഇന്ന് കോടതിയിൽ ഹാജരാകാതിരുന്ന ഒൻപതാം പ്രതി സനൽ കുമാറിന്റെ ജാമ്യം റദ്ദാക്കി.
ജാമ്യക്കാർക്കു നോട്ടിസ് അയക്കാൻ കോടതി നിർദേശിച്ചു. കേസിൽ ആകെയുള്ള പത്തു പ്രതികളിൽ എട്ടുപേർ ഇന്ന് ഹാജരായി. സിനിമയുടെ പ്രചാരണത്തിനായി കോടതിയുടെ അനുമതിയോടെ വിദേശത്ത് പോയ ദിലീപ് അടക്കമുള്ളവർ ചൊവ്വാഴ്ച ഹാജരാകേണ്ടി വരും.
നടിയെ ആക്രമിച്ചതിന്റെ ദൃശ്യങ്ങൾ പ്രതി ദിലീപിന് നൽകാൻ കഴിയില്ലെന്നും കേസിൽ വിചാരണ ആറുമാസത്തിനകം പൂർത്തിയാക്കണമെന്നു കഴിഞ്ഞ ദിവസം സുപ്രീംകോടതി വ്യക്തമാക്കിയിരുന്നു. ദൃശ്യങ്ങൾ നൽകുന്ന കാര്യത്തിൽ തീർപ്പായതോടെ കേസില് നിര്ത്തിവച്ചിരുന്ന വിചാരണ പുനരാരംഭിക്കുകയായിരുന്നു. ദൃശ്യങ്ങൾ പരിശോധിക്കാനും കേന്ദ്ര ഫൊറന്സിക് ലാബ് ഉള്പ്പെടെയുള്ള ഏജന്സികളുടെ വിദഗ്ധാഭിപ്രായം തേടാനും ദിലീപിന് അനുമതി നല്കിയിരുന്നു.
English Summary: Kerala actress abduction case, trial