എല്‍ദോ എംഎല്‍എയ്ക്ക് നാളെ കല്ല്യാണം; ആഗി കോണ്‍ഗ്രസാണ്; പാര്‍ട്ടി മാറാനില്ല

കൊച്ചി∙ മൂവാറ്റുപുഴ എംഎല്‍എ എല്‍ദോ ഏബ്രഹാം നാളെ വിവാഹിതനാകും. മണ്ഡലത്തില്‍നിന്നുതന്നെയുള്ള ഡോ. ആഗിയാണ് വധു. വിവാഹത്തിന് തൊട്ടുമുമ്പ് ഇരുവരും മനോരമ ന്യൂസ് നേരേ ചൊവ്വേയില്‍ അതിഥികളായി എത്തി.

ഡോ. ആഗി മേരി അഗസ്റ്റിനെ കണ്ടുമുട്ടുന്നതുവരെ വിവാഹത്തെക്കുറിച്ച് വലിയ സ്വപ്നങ്ങൾ കണ്ടുനടന്നയാളല്ലായിരുന്നു താനെന്ന് എംഎൽഎ പറയുന്നു. ആയുര്‍വേദ ക്ലിനിക്കിന്റെ ഉദ്‍ഘാടനച്ചടങ്ങാണ് എംഎല്‍എയുടെയും ഡോക്ടറുടെയും ഇഷ്ടത്തിന് തിരികൊളുത്തിയത്. കോണ്‍ഗ്രസ് കുടുംബത്തില്‍നിന്നാണ് സിപിഐക്കാരനായ എല്‍ദോയുടെ ജീവിതത്തിലേക്ക് ആഗി കടന്നുവരുന്നത്. പാർട്ടി മാറാനില്ലെന്നും ആഗി കൂട്ടിച്ചേർത്തു.