ബിജെപി റാലിക്കെതിരെ ‘കടയടപ്പ് ആഹ്വാനം’; പത്തോളം പേർക്കെതിരെ കേസ്
Mail This Article
×
കുറ്റ്യാടി∙ ബിജെപിയുടെ സിഎഎ വിശദീകരണ റാലിക്കെതിരെ കടയടപ്പിന് ആഹ്വാനം നൽകിയ പത്തോളം പേർക്കെതിരെ കുറ്റ്യാടി പൊലീസ് കേസെടുത്തു. കലാപമുണ്ടാക്കുകയെന്ന ഉദ്ദേശ്യത്തോടെ പ്രവർത്തിച്ചെന്ന കുറ്റം ചുമത്തി തളിയിൽ സ്വദേശി മുഹമ്മദ് ഉൾപ്പെടെ കണ്ടാലറിയാവുന്ന പത്തോളം പേർക്കെതിരെയാണ് കേസ്.
മുഹമ്മദിനെയും മറ്റൊരാളെയും അറസ്റ്റ് ചെയ്തു ജാമ്യത്തിൽ വിട്ടു. ബിജെപി പ്രകടനത്തിനിടെ പ്രകോപനപരമായ മുദ്രാവാക്യം വിളിച്ചതിനു നൂറോളം പേർക്കെതിരെ ഇന്നലെ കേസെടുത്തിരുന്നു. ഡിവൈഎഫ്ഐ, യൂത്ത് ലീഗ്, യൂത്ത് കോൺഗ്രസ് പ്രവർത്തകരുടെ പരാതിയെ തുടർന്നായിരുന്നു ഇത്.
ഇവിടെ പോസ്റ്റു ചെയ്യുന്ന അഭിപ്രായങ്ങൾ മലയാള മനോരമയുടേതല്ല. അഭിപ്രായങ്ങളുടെ പൂർണ ഉത്തരവാദിത്തം രചയിതാവിനായിരിക്കും. കേന്ദ്ര സർക്കാരിന്റെ ഐടി നയപ്രകാരം വ്യക്തി, സമുദായം, മതം, രാജ്യം എന്നിവയ്ക്കെതിരായി അധിക്ഷേപങ്ങളും അശ്ലീല പദപ്രയോഗങ്ങളും നടത്തുന്നത് ശിക്ഷാർഹമായ കുറ്റമാണ്. ഇത്തരം അഭിപ്രായ പ്രകടനത്തിന് നിയമനടപടി കൈക്കൊള്ളുന്നതാണ്.