ചാരിറ്റി ഫുട്ബോൾ മത്സരത്തിനു മുൻപ് ഗാലറി തകർന്നു; നിരവധിപേർക്ക് പരുക്ക്

പാലക്കാട് ∙ കളിക്കളത്തിൽ മരിച്ച ധനരാജിന്റെ കുടുംബത്തെ സഹായിക്കാൻ ഐ.എം.വിജയൻ - ബൈചുങ് ബൂട്ടിയ എന്നിവരുടെ നേതൃത്വത്തിൽ പാലക്കാട് നടത്തിയ ചാരിറ്റി ഫുട്ബോൾ മത്സരത്തിനു മുന്‍പു ഗാലറി തകർന്നു. പരുക്കേറ്റ നാൽപതോളം പേരേ ആശുപത്രിയിൽ പ്രവേശിപ്പിച്ചു. മൈതാനത്തിന്റെ കിഴക്കു വശത്തെ ഗാലറിയാണ് തകർന്നത്.

ഏകദേശം 30 മീറ്ററിലേറെ തകർന്നു. ആറ് വരികളിലായി ആയിരത്തിലേറെ പേർ ഉണ്ടായിരുന്നു. കൂടുതൽ ആളുകൾ ഉള്ളിൽ കുടുങ്ങിയതായി സംശയമുയർന്നതിനെ തുടർന്നു ഫയർഫോഴ്സിന്റെ നേതൃത്വത്തിൽ രക്ഷാപ്രവർത്തനം നടത്തി. വി.കെ ശ്രീകണ്ഠൻ എംപി, ഷാഫി പറമ്പിൽ എംഎൽഎ എന്നിവരും സ്ഥലത്തെത്തിയിരുന്നു. അപകടത്തെ തുടർന്നു മത്സരം ഉപേക്ഷിച്ചു.

English Summary: Palakkad Charity Football Match, Gallery Accident