ബൈക്കിന്റെ ഇന്ധന ടാങ്കിനു മുകളിൽ കുട്ടികളെ ഇരുത്തിയുള്ള യാത്ര ശിക്ഷാർഹം
Mail This Article
ആലപ്പുഴ ∙ ബൈക്കിൽ ഇന്ധന ടാങ്കിനു മുകളിൽ കുട്ടികളെ ഇരുത്തിക്കൊണ്ടു പോകുന്നവർക്ക് ഇനി ശിക്ഷ. കുട്ടികളുമായി യാത്ര ചെയ്യുന്ന ഇരുചക്ര വാഹന യാത്രക്കാർക്കു കുട്ടികളുടെ സുരക്ഷിതത്വം സംബന്ധിച്ചു ബോധവൽക്കരണവും നൽകും. അപകടകരമായി കുട്ടികളെ ഇരുചക്രവാഹനങ്ങളിൽ കൊണ്ടുപോകുന്നവർക്കെതിരെ നടപടിയെടുക്കാൻ ട്രാൻസ്പോർട്ട് കമ്മിഷണർ സർക്കുലർ നൽകി.
ഇന്ധന ടാങ്കിനു മുകളിൽ കുട്ടികളെ ഇരുത്തി അപകടകരമായി കൊണ്ടുപോകുന്നവർക്കെതിരെ കർശന നടപടിയടുക്കാൻ ബാലാവകാശ കമ്മിഷൻ മോട്ടോർ വാഹന വകുപ്പിന് ഉത്തരവ് നൽകിയിരുന്നു. വാഹന പരിശോധന നടത്തുമ്പോൾ, കുട്ടികളെയും വഹിച്ചുകൊണ്ട് യാത്ര ചെയ്യുന്ന ഇരുചക്ര വാഹന യാത്രക്കാർക്കു പ്രശ്നത്തിന്റെ ഗൗരവം മനസ്സിലാക്കിക്കൊടുക്കാനും ബോധവൽക്കരണം നടത്താനും നിർദേശം നൽകി. ഇന്ധന ടാങ്കിനു മുകളിൽ കുട്ടികളെ ഇരുത്തിക്കൊണ്ടു പോകുന്നവർക്കെതിരെ നിയമലംഘനത്തിനു നടപടിയെടുക്കണമെന്നും നിർദേശമുണ്ട്.
English Summary: Punishment if travel seating children on bike's petrol tank