ചുവന്ന പട്ടുസാരി, വാള്വീശി ആള്ദൈവം; തൂക്കിയെടുത്ത് ജീപ്പിലിട്ട് പൊലീസ്-വിഡിയോ
Mail This Article
ലക്നൗ ∙ ലോക്ഡൗൺ നിയന്ത്രണങ്ങൾ മറികടന്ന് പൊതുസ്ഥലത്ത് ആളെ കൂട്ടിയ ആൾദൈവം അറസ്റ്റിൽ. ഉത്തർപ്രദേശിലെ ഡിയോറിയ ജില്ലയിലെ മെഹ്ദ പൂർവയിലാണ് സംഭവം. ചുവന്ന പട്ടുസാരിയണിഞ്ഞ് കൈയില് വാളുമായി നില്ക്കുന്ന സ്ത്രീ സ്വയം ‘മാ ആദി ശക്തി’ എന്നാണ് വിശേഷിപ്പിക്കുന്നത്. ഇവർ വിശ്വാസികളുമായി കൂടിക്കാഴ്ച നടത്തുകയായിരുന്നു.
ഇതറിഞ്ഞ് സ്ഥലത്തെത്തിയ പൊലീസ് ഇവരോട് പിരിഞ്ഞുപോകണമെന്ന് ആവശ്യപ്പെട്ടു. എന്നാൽ ഇതനുസരിക്കാൻ സ്ത്രീയും വിശ്വാസികളും തയാറായില്ല. മാത്രമല്ല ഇവർ പൊലീസിന് നേരേ വാൾ വീശി. കഴിയുമെങ്കില് എന്നെ ഇവിടെ നിന്നുമാറ്റൂ എന്ന് അലറിക്കൊണ്ട് പൊലീസിനെ ആക്രമിക്കാനൊരുങ്ങി. ഇതോടെ വനിതാപൊലീസ് ആൾദൈവത്തെ വലിച്ചിഴച്ച് ജീപ്പില് കയറ്റുകയായിരുന്നു. വിശ്വാസികളെ പിരിച്ചുവിടാൻ പൊലീസ് ലാത്തിച്ചാർജും നടത്തി.
English Summary: Sword-Waving Godwoman Dares Uttar Pradesh Police Amid Coronavirus Lockdown, Arrested