ഹോസ്റ്റല് പൂട്ടി; സുഹൃത്തിനൊപ്പം വീട്ടില് പോയ പതിനാറുകാരി കൂട്ടബലാല്സംഗത്തിനിരയായി
Mail This Article
റാഞ്ചി ∙ ലോക്ഡൗണില്പെട്ട പതിനാറുകാരി ജാര്ഖണ്ഡില് കൂട്ടബലാല്സംഗത്തിനിരയായി. സുഹൃത്ത് ഉള്പ്പെടെ ഒൻപതു പേർ ധുംകയില് അറസ്റ്റില്. ഹോസ്റ്റല് പൂട്ടിയതിനെത്തുടര്ന്ന് സുഹൃത്തിനൊപ്പം വീട്ടിലേക്കു പോയ പെണ്കുട്ടിയാണ് ബലാല്സംഗത്തിനിരയായത്. വഴിയിൽ വച്ച് സുഹൃത്ത് മറ്റുള്ളവരെ വിളിച്ചു വരുത്തുകയായിരുന്നുവെന്നും പെൺകുട്ടി െപാലീസിന് മൊഴി നൽകി. ഈ മാസം 24 നായിരുന്നു സംഭവം. പൊലീസ് അന്വേഷണം തുടങ്ങി.
ഹോസ്റ്റൽ പൂട്ടിയതിനെ തുടർന്ന് പെൺകുട്ടി രക്ഷിതാവിനെ വിളിച്ച് വിവരം പറഞ്ഞിരുന്നെങ്കിലും പെൺകുട്ടിയുടെ പിതാവിന് സമയത്ത് എത്തിച്ചേരാൻ കഴിയാത്തതിനെ തുടർന്നാണ് പെൺകുട്ടി അടുത്ത സുഹൃത്തിന്റെ സഹായം തേടിയത്.
ലോക്ഡൗണിനിടെ ദേശീയപാതയിലൂടെ പോകുന്നത് അപകടമാണെന്നു പെൺകുട്ടിയെ ധരിപ്പിച്ച പ്രതി ആൾസഞ്ചാരമില്ലാത്ത മറ്റൊരു വഴിയിലൂടെയാണ് യാത്ര തിരിച്ചത്. വിജനമായ സ്ഥലത്തു വാഹനം നിർത്തി തന്നെ കീഴ്പ്പെടുത്തുകയായിരുന്നുവെന്നും സുഹൃത്തുക്കളെ വിളിച്ചു വരുത്തി കൂട്ടബലാത്സംഗത്തിന് ഇരയാക്കിയാതായും പെൺകുട്ടി മൊഴി നൽകി.
Englsh Summary: Jharkhand minor girl accuses friend, eight others of rape