കേരളത്തിന്റെ വാടക ഹെലികോപ്റ്റർ തിരുവനന്തപുരത്തെത്തി– വിഡിയോ

തിരുവനന്തപുരം∙ കേരളം വാടകയ്ക്ക് എടുത്ത പവന്‍ ഹംസിന്‍റെ ഹെലികോപ്റ്റര്‍ തിരുവനന്തപുരത്ത് എത്തി. തിരുവനന്തപുരം ചാക്കയിലെ രാജീവ് ഗാന്ധി ഏവിയേഷന്‍ അക്കാദമിയിൽ ഹെലികോപ്റ്റർ എത്തുന്നതിന്റെ ദൃശ്യങ്ങൾ മനോരമ ഓൺലൈന് ലഭിച്ചു. രണ്ട് ക്യാപ്റ്റന്മാരും പവന്‍ ഹംസിന്‍റെ മൂന്ന് എൻജിനിയര്‍മാരും ഉൾപ്പെടുന്ന ആദ്യസംഘം തിങ്കളാഴ്ചയാണ് തലസ്ഥാനത്തെത്തിയത്.

പവന്‍ഹംസിന്‍റെ ഓഫിസ് പ്രവർത്തിക്കുന്നത് രാജീവ് ഗാന്ധി ഏവിയേഷന്‍ അക്കാദമിയിലാണ്. സർക്കാരിന്റെ വിവിധ ആവശ്യങ്ങൾക്കായി പവൻ ഹംസിന്റെ ‘എഎസ് 365 ഡൗഫിൻ എൻ’ ഹെലികോപ്റ്റർ ഉപയോഗിക്കാന്‍  മാസവാടക ഇനത്തിൽ 1,44,60,000 രൂപ അനുവദിക്കാൻ ഫെബ്രുവരി 24ന് സർക്കാർ അനുമതി നൽകിയിരുന്നു. 18% ജിഎസ്ടി കൂടിയാകുമ്പോൾ തുക 1,70,63,000 കോടിരൂപയാകും.

English Summary: Helicopter for Kerala Reached