നിയന്ത്രണരേഖയിലെ പട്രോളിങ് ചൈന തടസപ്പെടുത്തുന്നു: ഇന്ത്യ

ന്യൂഡൽഹി∙ നിയന്ത്രണരേഖയിൽ ഇന്ത്യയുടെ പട്രോളിങിനെ ചൈന തടസപ്പെടുത്തുന്നുവെന്ന് കേന്ദ്ര വിദേശകാര്യ മന്ത്രാലയം. നിയന്ത്രണരേഖയിൽ ഇന്ത്യയുടെ ഭാഗത്താണ് എല്ലാ പ്രവർത്തനവും സൈന്യം നടത്തുന്നത്.

അതിര്‍ത്തി സംരക്ഷണത്തില്‍ ഇന്ത്യയുടേത് ഉത്തരവാദിത്തപരമായ സമീപനമാണ്. ഇന്ത്യന്‍ സൈന്യം പടിഞ്ഞാറന്‍ മേഖലയിലോ സിക്കിമിലോ നിയന്ത്രണരേഖ തെറ്റിച്ചിട്ടില്ല. ഇന്ത്യ-ചൈന അതിര്‍ത്തി പ്രദേശങ്ങളിലെ യഥാര്‍ഥ നിയന്ത്രണരേഖയുടെ വിന്യാസം സൈനികര്‍ക്ക് അറിയാം. അത് കൃത്യതയോടെയാണ് പാലിക്കുന്നതെന്നും വിദേശകാര്യ മന്ത്രാലയം അറിയിച്ചു.

ലഡാക്ക് അതിര്‍ത്തിയോട് ചേര്‍ന്ന് സമീപകാലത്ത് നിരവധി ചൈനീസ് അതിക്രമങ്ങള്‍ റിപ്പോര്‍ട്ട് ചെയ്യപ്പെട്ടു. പാൻഗോങ് തടാകത്തിന് സമീപം ഇന്ത്യന്‍-ചൈനീസ് സൈനികര്‍ തമ്മില്‍ സംഘര്‍ഷമുണ്ടായി. ഇരു രാജ്യങ്ങളുടെയും സൈനികർക്കു പരുക്കേറ്റിരുന്നു.

English summary: China Hindering Normal Patrolling in LAC