ബെംഗളൂരു–തിരുവനന്തപുരം ട്രെയിൻ; പണം തിരികെ നൽകും

കൊച്ചി∙ ഇന്ന് രാത്രി പുറപ്പെടുന്ന ബെംഗളൂരു–തിരുവനന്തപുരം പ്രത്യേക ട്രെയിനിൽ യാത്ര ചെയ്യാൻ നോർക്ക 1,000 രൂപ ഈടാക്കിയതു വിവാദമായതോടെ പണം തിരികെ നൽകുമെന്നു അധികൃതർ. ‘മനോരമ ഒാൺലൈൻ’ വാർത്തയെ തുടർന്നാണു നടപടി. നോൺ എസി ചെയർ കാർ കോച്ചിൽ യാത്ര ചെയ്യാൻ എസി ട്രെയിനിന്റെ നിരക്കാണ് നോർക്ക യാത്രക്കാരിൽ നിന്ന് ഈടാക്കിയത്.

അധികമായി വാങ്ങിയ തുക യാത്രക്കാർക്കു തിരികെ നൽകുമെന്നു കാണിച്ചു നോർക്ക എല്ലാ യാത്രക്കാർക്കും എസ്എംഎസ് അയച്ചു. ക്ലെയിം ഫോം ജൂൺ ഒന്നിന് ശേഷം നോർക്ക വെബ്സൈറ്റിൽ ലഭ്യമാകും. ഡൽഹിയിൽ നിന്നുളള യാത്രക്കാർക്ക് സ്ലീപ്പറിൽ യാത്ര ചെയ്യാൻ 975 രൂപ മാത്രമായപ്പോഴാണു അടുത്തുളള കർണാടകത്തിൽ നിന്നു കേരളത്തിലേക്കു വരാൻ നോർക്ക 1,000 രൂപ വാങ്ങിയത്.

English Summary: Bengaluru-Thiruvananthapuram Special Train