14 ദിവസം ഹോം ക്വാറന്റീൻ; ആഭ്യന്തര വിമാന യാത്രക്കാർ ശ്രദ്ധിക്കേണ്ടത് ഇവയൊക്കെ

തിരുവനന്തപുരം∙ ആഭ്യന്തര വിമാനസർവീസുകൾ ആരംഭിക്കാൻ വ്യേമയാന മന്ത്രാലയം തീരുമാനിച്ച സാഹചര്യത്തിൽ യാത്രക്കാർക്കായി സർക്കാർ മാർഗനിർദേശങ്ങൾ പുറത്തിറക്കി.

നിർദേശങ്ങൾ ഇങ്ങനെ:

∙ യാത്രക്കാർ കോവിഡ് ജാഗ്രതാ സൈറ്റിൽ റജിസ്റ്റർ ചെയ്യണം.

∙ ഒന്നിലധികം യാത്രക്കാർ ഒരു ടിക്കറ്റിൽ യാത്ര ചെയ്യുകയാണെങ്കിൽ അവരുടെ വിവരവും റജിസ്ട്രേഷൻ സമയത്ത് നൽകണം.

∙ മൊബൈല്‍ നമ്പരിലേക്ക് ക്യൂആർ കോഡ് അടങ്ങുന്ന യാത്രാ പെർമിറ്റ് ലഭിക്കും.

∙ ബോഡിങ് പാസ് നൽകുന്നതിനു മുൻപ്, കോവിഡ് ജാഗ്രതാ പോർട്ടലിൽ റജിസ്റ്റർ ചെയ്തിട്ടുണ്ടോ എന്ന് എയർലൈൻ ജീവനക്കാർ പരിശോധിക്കണം.

∙ വീടുകളിലേക്ക് പോകാൻ സ്വന്തം വാഹനമോ വാടക വാഹനമോ ഉപയോഗിക്കാം.

∙ റജിസ്ട്രേഷൻ വിവരങ്ങൾ വിമാനത്താവളത്തിലെ ഹെൽപ്പ് ഡെസ്കിൽ നൽകണം.

∙ രോഗലക്ഷണങ്ങളില്ലാത്തവർ ഹോം ക്വാറന്റീനിൽ പോകണം. രോഗലക്ഷണമുള്ളവരെ ഇൻസ്റ്റിറ്റ്യൂഷനൽ ക്വാറന്റീനിലോ, ഹോസ്പിറ്റലിലോ അയയ്ക്കും.

∙ സംസ്ഥാനത്തെത്തുന്ന എല്ലാ യാത്രക്കാരും 14 ദിവസം ഹോം ക്വാറന്റീനിൽ പോകണം. ഹോം ക്വാറന്റീൻ സൗകര്യം ഇല്ലെങ്കിൽ അത് ലഭിക്കുന്നതുവരെ ഇൻസ്റ്റിറ്റ്യൂഷനൽ ക്വാറന്റീനിൽ പോകേണ്ടിവരും.

∙ യാത്രക്കാരെ കൊണ്ടുപോകാനെത്തുന്ന വാഹനങ്ങൾക്ക് വിമാനത്താവളത്തിനുള്ളിൽ കടക്കാം.

∙ യാത്രക്കാർക്ക് സ്വന്തം ജില്ലയിലേക്ക് പോകാൻ കെഎസ്ആർടി ബസുകൾ ജില്ലാഭരണകൂടം സജ്ജമാക്കണം. എല്ലാ ലഗേജുകളും അണുവിമുക്തമാക്കണം.

English Summary: Guidelines for Domestic Travel