ADVERTISEMENT

കൊച്ചി∙ പവന് 36,000 കടന്നു സംസ്ഥാനത്തു സ്വർണവില കുതിക്കുന്നു. ഇന്നു പവന് 360 രൂപ ഉയർന്നതോടെ വില 36,160 രൂപയായി. ഗ്രാമിന് 45 രൂപ ഉയർന്നു. 4,520 രൂപയാണ് ഒരു ഗ്രാം പൊന്നിന്റെ ഇന്നത്തെ വില. രാജ്യാന്തര വിപണിയിൽ സ്വർണവില ഉയർന്നതാണ് കേരളത്തിലും പ്രതിഫലിച്ചത്. 1,785 ഡോളർ നിലവാരത്തിലാണ് രാജ്യാന്തര വിപണിയിൽ ട്രോയ് ഔൺസിന്റെ വില. 7.5 വർഷത്തെ ഏറ്റവും ഉയർന്ന നിരക്കാണിത്.

ഈ വർഷം മാത്രം ഒരു പവന് 7,160 രൂപയാണ് ഉയർന്നത്. ജനുവരി ആദ്യം കേരളത്തിൽ ഒരു പവന്റെ വില 29,000 രൂപയായിരുന്നു. ഗ്രാമിന് 895 രൂപയാണ് 6 മാസത്തിനുള്ളിൽ കൂടിയത്. ജനുവരി ഒന്നിന് ഗ്രാമിന് 3,625 രൂപയായിരുന്നു വില. ഒരു വർഷത്തിനുള്ളിൽ പവന് 11,800 രൂപ കൂടി. ഇന്ത്യ–ചൈന സംഘർഷത്തിന് അയവു വരാത്തതും കോവിഡ് പ്രതിസന്ധി തുടരുന്നതുമാണു രാജ്യാന്തര തലത്തിൽ സ്വർണത്തിനു ഡിമാൻഡ് ഉയരാൻ കാരണമാകുന്നത്. പ്രതിസന്ധികളെത്തുടർന്നു വിപണികളിലുണ്ടാകുന്ന അനിശ്ചിതത്വം വൻ നിക്ഷേപകരെ സ്വർണം വാങ്ങാൻ പ്രേരിപ്പിക്കുകയാണ്. വരും ദിവസങ്ങളിലും വില ഉയരാനാണു സാധ്യത.

English Summary: Gold Prices rise again

ഇവിടെ പോസ്റ്റു ചെയ്യുന്ന അഭിപ്രായങ്ങൾ മലയാള മനോരമയുടേതല്ല. അഭിപ്രായങ്ങളുടെ പൂർണ ഉത്തരവാദിത്തം രചയിതാവിനായിരിക്കും. കേന്ദ്ര സർക്കാരിന്റെ ഐടി നയപ്രകാരം വ്യക്തി, സമുദായം, മതം, രാജ്യം എന്നിവയ്ക്കെതിരായി അധിക്ഷേപങ്ങളും അശ്ലീല പദപ്രയോഗങ്ങളും നടത്തുന്നത് ശിക്ഷാർഹമായ കുറ്റമാണ്. ഇത്തരം അഭിപ്രായ പ്രകടനത്തിന് നിയമനടപടി കൈക്കൊള്ളുന്നതാണ്.
തൽസമയ വാർത്തകൾക്ക് മലയാള മനോരമ മൊബൈൽ ആപ് ഡൗൺലോഡ് ചെയ്യൂ
അവശ്യസേവനങ്ങൾ കണ്ടെത്താനും ഹോം ഡെലിവറി  ലഭിക്കാനും സന്ദർശിക്കു www.quickerala.com