അനില്‍ നമ്പ്യാര്‍ക്കെതിരായ മൊഴി പുറത്തായി; കസ്റ്റംസ് അന്വേഷണ ഉദ്യോഗസ്ഥനെ മാറ്റി

തിരുവനന്തപുരം∙ സ്വര്‍ണക്കടത്ത് കേസില്‍ സ്വപ്ന സുരേഷ്, അനില്‍ നമ്പ്യാര്‍ക്കെതിരെ നൽകിയ മൊഴി പുറത്തായതിനെത്തുടർന്ന് അന്വേഷണ ഉദ്യോഗസ്ഥനെ മാറ്റി. കസ്റ്റംസ് സംഘത്തില്‍ നിന്ന് അസി.കമ്മിഷണര്‍ എൻ.എസ്.ദേവിനെയാണ് മാറ്റിയത്.

കസ്റ്റംസ് ഇന്റലിജൻസ് ആഭ്യന്തര അന്വേഷണം നടത്തിയ ശേഷമാണ് ഉദ്യോഗസ്ഥനെ മാറ്റിയത്. അനില്‍ നമ്പ്യാര്‍ക്കെതിരായ മൊഴി സംസ്ഥാനത്ത് ബിജെപിയെ പ്രതിരോധത്തിലാക്കിയിരുന്നു. അനില്‍ നമ്പ്യാര്‍ക്ക് എതിരായ മൊഴി മാത്രമാണ് ചോര്‍ന്നത് എന്നാണ് ആക്ഷേപം. ഇത് വലിയ വിവാദമാവുകയും ചെയ്തു.

അനിൽ നമ്പ്യാരുടെ പേരുപറഞ്ഞ് സ്വർണ്ണക്കടത്ത് കേസിന്റെ അന്വേഷണം വഴിതിരിച്ചു വിടാൻ സിപിഎമ്മും സർക്കാരും ശ്രമിക്കുന്നുവെന്ന് ബിജെപി സംസ്ഥാന അധ്യക്ഷൻ കെ.സുരേന്ദ്രൻ ആരോപിച്ചിരുന്നു. പ്രതിപക്ഷ നേതാവ് അന്വേഷണത്തെ വഴിതെറ്റിക്കാൻ ശ്രമിക്കുന്നുവെന്നും സുരേന്ദ്രൻ കുറ്റപ്പെടുത്തി. 

English summary: Gold smuggling case: Customs officer