‘വിക്കി ഡോണർ’ താരം നടൻ ഭൂപേഷ് പാണ്ഡ്യ അന്തരിച്ചു

ന്യൂഡൽഹി ∙ വിക്കി ഡോണർ, പരമാണു സിനിമകളിലൂടെ പ്രശസ്തനായ നടൻ ഭൂപേഷ് കുമാർ പാണ്ഡ്യ അന്തരിച്ചു. ശ്വാസകോശാർബുദത്തിനു ചികിത്സയിലായിരുന്നു. നാഷനൽ സ്കൂൾ ഓഫ് ഡ്രാമ (എൻഎസ്ഡി) ട്വിറ്ററിലൂടെയാണു നടന്റെ മരണവിവരം പുറത്തുവിട്ടത്.

നാടകരംഗത്ത് സജീവമായിരുന്ന ഭൂപേഷ് എൻഎസ്ഡി 2001 ബാച്ച് വിദ്യാർഥിയായിരുന്നു. അഭിനേതാക്കളായ മനോജ് ബാജ്പേയി, ഗജരാജ് റാവു, മുകേഷ് ഛബ്ര, രാജേഷ് തൈലാങ് തുടങ്ങി നിരവധി പേർ ഭൂപേഷിന് ആദരാഞ്ജലി നേർന്നു. നേരത്തെ, ഭൂപേഷിന്റെ ചികിത്സയ്ക്കു പണം കണ്ടെത്താൻ സഹപ്രവർത്തകർ ഒരുമിച്ചിരുന്നു. 

English Summary: Vicky Donor Actor Bhupesh Pandya Dies Of Cancer