സ്വര്‍ണക്കടത്തിൽ ഒന്നാം പ്രതി മുഖ്യമന്ത്രി; രാജി ആവശ്യപ്പെട്ട് പ്രതിപക്ഷം

തിരുവനന്തപുരം∙ മുഖ്യമന്ത്രിയുടെ മുൻ പ്രിൻസിപ്പൽ സെക്രട്ടറി ശിവശങ്കറിനെ കസ്റ്റഡിയിലെടുത്തതോടെ സർക്കാരിനെതിരെ ആഞ്ഞടിച്ച് പ്രതിപക്ഷം. ഉളുപ്പുണ്ടെങ്കിൽ മുഖ്യമന്ത്രി രാജിവയ്ക്കണമെന്ന് പ്രതിപക്ഷ നേതാവ് രമേശ് ചെന്നിത്തല ആവശ്യപ്പെട്ടു. അഴിമതി നടത്തിയത് മുഖ്യമന്ത്രിയാണെന്നും അദ്ദേഹം ആരോപിച്ചു.

ശിവശങ്കറിനെ കസ്റ്റഡിയിലെടുത്തത് മുഖ്യമന്ത്രിയെ കസ്റ്റഡിയിലെടുത്തതിന് തുല്യമെന്ന് കെപിസിസി പ്രസിഡന്റ് മുല്ലപ്പള്ളി രാമചന്ദ്രൻ ആരോപിച്ചു. ധാർമികതയുടെ കണികയെങ്കലും ബാക്കിയുണ്ടെങ്കിൽ മുഖ്യമന്ത്രി എത്രയും പെട്ടെന്ന് രാജിവയ്ക്കണം. പ്രതിപക്ഷം പറഞ്ഞത് ശരിയാണെന്ന് തെളിയുമെന്നും അന്വേഷണം മുഖ്യമന്ത്രിയുടെ ഓഫിസിലേക്ക് എത്തുമെന്നും കെ.എസ്. ശബരീനാഥൻ എംഎൽഎ പ്രതികരിച്ചു. 

Content highlights: Opposition response to Sivasankar's ED custody