ഇടതു സർക്കാർ അധികാരമേറ്റ ശേഷം പത്തിലധികം വ്യാജ ഏറ്റുമുട്ടൽ: മുല്ലപ്പള്ളി

കൊല്ലം∙ മാവോയിസ്റ്റ് വേട്ടയാടലിനെ അപലപിച്ച് കെപിസിസി പ്രസിഡന്റ് മുല്ലപ്പള്ളി രാമചന്ദ്രൻ. ഇടതു സർക്കാർ അധികാരമേറ്റ ശേഷം വയനാട്, മലപ്പുറം ജില്ലകളിലായി ഏതാണ്ട് പത്തിലധികം വ്യാജ ഏറ്റുമുട്ടലുകളുണ്ടായി. സർക്കാരിന്റെ ഇക്കാര്യത്തിലുളള നയം വ്യക്തമാക്കണമെന്നും ഇതിലെല്ലാം സമഗ്ര അന്വേഷണം നടത്തണമെന്നും മുല്ലപ്പള്ളി കൊല്ലത്ത് ആവശ്യപ്പെട്ടു.

വയനാട് ബാണാസുര വനത്തിൽ മാവോയിസ്റ്റ് സംഘവും പൊലീസും തമ്മിൽ ഇന്ന് ഏറ്റുമുട്ടൽ ഉണ്ടായി. പടിഞ്ഞാത്തറ പൊലീസ് സ്റ്റേഷൻ പരിധിയിൽ വരുന്ന പന്തിപ്പൊയിൽ വാളാരംകുന്നിലാണ് രാവിലെ ആറു മണിയോടെ ഏറ്റുമുട്ടലുണ്ടായത്.

English Summary : KPCC President Mullappally Ramachandran against maoist encounter Wayanad