‘കൂടുതല്‍ കാര്യങ്ങള്‍ പിന്നീട് വെളിപ്പെടുത്താം’: ശ്രീധരന്‍ പിള്ളയെ കണ്ട് ശോഭ– വിഡിയോ

കോഴിക്കോട്∙ ബിജെപി സംസ്ഥാന നേതൃത്വവുമായി ഇടഞ്ഞുനില്‍ക്കുന്ന ശോഭ സുരേന്ദ്രന്‍ മിസോറാം ഗവര്‍ണര്‍ പി.എസ്. ശ്രീധരന്‍ പിള്ളയെ സന്ദര്‍ശിച്ചു. തന്നെ രാഷ്ട്രീയ രംഗത്തേക്ക് കൈപിടിച്ചുയർത്തിയ ആളെന്ന നിലയിൽ അദ്ദേഹം കേരളത്തിൽ എത്തിയപ്പോൾ സന്ദർശിക്കാൻ പോയതാണെന്ന് ശോഭ സുരേന്ദ്രൻ പറഞ്ഞു. 

സൗഹൃദ സന്ദര്‍ശനമാണെന്ന് പറഞ്ഞ ശോഭ കൂടുതല്‍ കാര്യങ്ങള്‍  പിന്നീട് വെളിപ്പെടുത്താമെന്ന് അറിയിച്ചു. കേരളത്തിനകത്ത് ഒരു പഞ്ചായത്ത് മെമ്പർ പോലും ഇല്ലാതിരുന്ന കാലത്താണ് ബിജെപിയുടെ പ്രവർത്തന രംഗത്തേക്കു കടന്നുവന്നത്. സ്ഥാനമോഹിയായിരുന്നെങ്കില്‍ ബിജെപി പ്രവര്‍ത്തകയായി 35 വർഷത്തോളം നിൽക്കില്ലായിരുന്നെന്നും ശോഭ സുരേന്ദ്രൻ മറുപടി നല്‍കി. 

English Summary : Shobha Surendran meets Mizoram governor PS Sreedharan Pillai