ഉമ്മൻചാണ്ടിയുടെ വീട്ടിൽ ചർച്ച, ഇടപെട്ട് കുഞ്ഞാലിക്കുട്ടിയും; ലീഗിനെ അനുനയിപ്പിച്ചു

കോട്ടയം∙ ജില്ലാ പഞ്ചായത്ത് സീറ്റു തർക്കത്തിൽ ഇടഞ്ഞുനിന്ന മുസ്‌ലീം ലീഗിനെ അനുനയിപ്പിച്ചു. ഉമ്മൻ ചാണ്ടിയുടെ വീട്ടിൽ മുസ്‌ലീം ലീഗ് ജില്ലാ പ്രസിഡന്റ് അസീസ് ബഡായിയിലുമായി നടത്തിയ ചർച്ചയിലാണ് തീരുമാനം. ഇരുവരുമായി പി.കെ. കുഞ്ഞാലിക്കുട്ടി ഫോണിൽ സംസാരിച്ചു. 

ലീഗിന് അടുത്ത തിരഞ്ഞെടുപ്പിൽ എരുമേലി ഡിവിഷൻ നൽകും. യോഗത്തിന്റെ മിനിറ്റ്സിൽ ഇക്കാര്യം എഴുതിച്ചേർക്കും. ബ്ലോക്ക്, ഗ്രാമ പഞ്ചായത്തുകളിൽ ഇക്കുറി കൂടുതൽ സീറ്റുകൾ നൽകും. കഴിഞ്ഞ യുഡിഎഫ് യോഗത്തിൽ എരുമേലി സീറ്റാണ് ലീഗ് ചോദിച്ചത്. ഇല്ലെന്ന് അറിയിച്ചതോടെ ലീഗ് 5 സീറ്റിൽ മത്സരിക്കാൻ തീരുമാനിച്ചിരുന്നു. 

Content Highlights: Muslim League, Kottayam, Local Body Elections