കോൺഗ്രസ് നേതാവിന്റെ വീടിനുനേരെ ബോംബേറ്; പിന്നിൽ സിപിഎമ്മെന്ന് ആരോപണം

കാസർകോട്∙ കോൺഗ്രസ് നേതാവിന്റെ വീടിനുനേരെ ബോംബേറ്. കെപിസിസി നിർവാഹക സമിതിയംഗം പി.കെ.ഫൈസലിന്‍റെ വീട്ടിലാണ് പുലർച്ചെ ആക്രമണം ഉണ്ടായത്. ബൈക്കിലെത്തിയ സംഘമാണ് ആക്രമിച്ചത്. ഉഗ്രശേഷിയുള്ള ബോംബാണെന്നാണ് സൂചന.

വീടിനടുത്ത് നിർത്തിയിട്ട കാറിനും കേടുപാടു വരുത്തിയിട്ടുണ്ട്. പിന്നിൽ സിപിഎം ആണെന്ന് കോൺഗ്രസ് ആരോപിച്ചു. കാഞ്ഞങ്ങാട് ഡിവൈഎസ്പിയുടെ നേതൃത്വത്തിലുള്ള സംഘം വീട്ടിൽ പരിശോധന നടത്തി. ബൈക്കിൽ വന്ന സംഘത്തെ കേന്ദ്രീകരിച്ച് അന്വേഷണം തുടങ്ങി.

English Summary: Bomb hurled at congress leader's house