നക്ഷത്രം തൂക്കുന്നതിനിടെ മരത്തിൽനിന്ന് വീണ് നിവിൻ പോളിയുടെ അസിസ്റ്റന്റ് മരിച്ചു

പുൽപള്ളി∙ ക്രിസ്മസ് നക്ഷത്രം തൂക്കാൻ മരത്തിൽ കയറിയ യുവാവ് വീണു മരിച്ചു. സിനിമയിലെ മേക്കപ്മാനും നടൻ നിവിൻ പോളിയുടെ അസിസ്റ്റന്റുമായ ഷാബു പുൽപള്ളിയാണ് (37) മരിച്ചത്. ശശിമലയിലെ വീട്ടിൽ ഇന്നലെ വൈകിട്ടാണ് അപകടം. വീട്ടുമുറ്റത്തെ മാവിൽ കയറിയപ്പോൾ കൊമ്പൊടിഞ്ഞ് വീഴുകയായിരുന്നു. മേപ്പാടിയിലെ സ്വകാര്യ മെഡിക്കൽ കോളജ് ആശുപത്രിയിലെത്തിച്ചെങ്കിലും രക്ഷിക്കാനായില്ല. സംസ്കാരം ഇന്ന് 2ന്. ഭാര്യ: ലക്ഷ്മി. മക്കൾ: അബിൻ ദേവു കൃഷ്ണ, ഗൗരിദക്ഷ. മേക്കപ്മാൻ ഷാജി പുൽപള്ളി സഹോദരനാണ്.

English Summary: Makeup man died while hanging Christmas star