യുഎസ് പാര്‍ലമെന്റില്‍ ഇരച്ചുകയറി ട്രംപ് അനുകൂലികള്‍, അക്രമം; 4 മരണം
Mail This Article
വാഷിങ്ടൻ ∙ യുഎസിനെയും ലോകത്തെയും ഞെട്ടിച്ച് യുഎസ് പാർലമെന്റിലേക്ക് അതിക്രമിച്ചു കടന്ന് ട്രംപ് അനുകൂലികളുടെ തേർവാഴ്ച. നിയുക്ത പ്രസിഡന്റ് ജോ ബൈഡന്റെ വിജയം അംഗീകരിക്കാൻ യുഎസ് കോൺഗ്രസിന്റെ ഇരു സഭകളും സമ്മേളിക്കുന്നതിനിടെയാണു അക്രമാസക്തരായ ആയിരക്കണക്കിനു ട്രംപ് അനുകൂലികൾ കാപ്പിറ്റോൾ മന്ദിരത്തിലെ സുരക്ഷാവലയം ഭേദിച്ച് അകത്തുകടന്നത്.
കലാപത്തിൽ ഒരു സ്ത്രീ ഉൾപ്പെടെ നാലു പേർ മരിച്ചു. കാപ്പിറ്റോൾ മന്ദിരത്തിനുള്ളിലാണ് സ്ത്രി വെടിയേറ്റു മരിച്ചതെന്ന് രാജ്യാന്തര മാധ്യമങ്ങൾ റിപ്പോർട്ട് ചെയ്തു. പരുക്കേറ്റ അഞ്ച് പേരെ ആശുപത്രിയിലേക്കു മാറ്റി. കാപ്പിറ്റോൾ മന്ദിരത്തിനു സമീപത്തു നിന്ന് സ്ഫോടകവസ്തു കണ്ടെടുത്തതായും റിപ്പോർട്ടുകളുണ്ട്. പാർലമെന്റിലേക്ക് അതിക്രമിച്ചു കടന്നവരെ ഒഴിപ്പിക്കാൻ പൊലീസ് കണ്ണീർവാതകം പ്രയോഗിച്ചു. സ്ഥിതി നിയന്ത്രണവിധേയമാണെന്ന് അധികൃതർ വ്യക്തമാക്കി. ഇന്ത്യൻ സമയം പുലർച്ചെ ഒരുമണിയോടെയാണു സംഭവങ്ങൾ.
സെനറ്റിലും സഭാഹാളിലും പ്രതിഷേധക്കാർ കടന്നതോടെ ഇരുസഭകളും അടിയന്തരമായി നിർത്തിവച്ചു. യുഎസ് കോൺഗ്രസ് അംഗങ്ങളെ ഒഴിപ്പിച്ചു. യുഎസ് ചരിത്രത്തിൽ ഇതാദ്യമാണ് പാർലമെന്റ് സമ്മേളിക്കുന്നതിടെ ഇത്തരമൊരു സുരക്ഷാവീഴ്ച.
ജനപ്രതിനിധി സഭയും സെനറ്റും ചേരുന്നതിനിടെയാണു സ്ഥാനമൊഴിയുന്ന പ്രസിഡന്റ് ഡോണൾഡ് ട്രംപിന്റെ അനുയായികൾ മന്ദിരത്തിനു പുറത്തു പ്രകടനമായെത്തിയത്. പൊലീസുമായി ഏറ്റുമുട്ടിയ പ്രതിഷേധക്കാർ ആദ്യം ബാരിക്കേഡുകൾ തകർത്തു. പാർലമെന്റ് കവാടങ്ങൾ പൊലീസ് അടച്ചുപൂട്ടിയെങ്കിലും പ്രതിഷേധക്കാർ മന്ദിരത്തിനകത്തു കടക്കുന്നതു തടയാനായില്ല.
.jpg "US Capitol Attack")
-
ഇരച്ചെത്തുന്ന പ്രതിഷേധക്കാരെ തടയാൻ അടച്ചിട്ട വാതിലിനു കുറുകെ തട വച്ച് സുരക്ഷാ ഉദ്യോഗസ്ഥർ. (Photo by - Drew Angerer/Getty Images/AFP1)
Photographer:Drew Angerer -
െസനറ്റ് ചേംബറില്‍ പ്രവേശിച്ച ട്രംപ് അനുകൂലി ആക്രോശിക്കുന്നു. (Photo: Win McNamee/Getty Images/AFP)
Photographer:WIN MCNAMEE -
സംഘർഷത്തിന് അയവുവന്നതോടെ ജനപ്രതിനിധി സഭയുടെ സംയുക്ത സമ്മേളനത്തിൽ സംസാരിക്കുന്ന സ്പീക്കർ നാൻസി പെലോസി. ട്രംപിനെതിരെ ബൈഡൻ നേടിയ 306–232 വോട്ടിന്റെ വിജയം അംഗീകരിക്കാനുള്ള നടപടികൾക്കാണ് യുഎസ് പ്രതിനിധിസഭ യോഗം ചേർന്നത്. ഇതിനിടെയാണ് ട്രംപ് അനുകൂലികൾ ജനപ്രതിനിധിസഭ സമ്മേളിക്കുന്ന കാപ്പിടോൾ മന്ദിരത്തിലേക്ക് കടന്നെത്തിയത്. ചിത്രം – Erin Schaff - Pool/Getty Images/AFP
Photographer:POOL -
യുഎസ് പ്രസിഡന്റ് ഡോണൾഡ് ട്രംപിന് പിന്തുണയറിച്ചു കൊണ്ടെത്തിയ പ്രതിഷേധക്കാർ . (Photo: Samuel Corum/Getty Images/AFP)
Photographer:Samuel Corum -
യുഎസ് കാപ്പിറ്റോളിലേക്കു പ്രവേശിക്കാനുള്ള ഡോണൾഡ് ട്രംപ് അനുകൂലികളുടെ ശ്രമം പൊലീസ് തടയുന്നു. (Photo: Brendan SMIALOWSKI / AFP)
Photographer:BRENDAN SMIALOWSKI -
കാപ്പിറ്റോൾ കെട്ടിടത്തിലേക്ക് പ്രവേശിക്കുന്നതിനുള്ള ഡോണൾഡ് ട്രംപ് അനുകൂലികളുടെ ശ്രമം പൊലീസ് തടയുന്നു. (Photo: ROBERTO SCHMIDT / AFP)
Photographer:ROBERTO SCHMIDT -
ഡോണൾഡ് ട്രംപിനെ അനുകൂലിച്ച് യുഎസ് കാപ്പിറ്റോളിൽ തടിച്ചുകൂടിയിരിക്കുന്നവർ. (Photo: Samuel Corum/Getty Images/AFP)
Photographer:Samuel Corum -
യുഎസ് കാപ്പിടോൾ കലാപത്തിന് പിന്നാലെ മന്ദിരത്തിലെ മുറികളിൽ അക്രമികളുണ്ടോ എന്നു പരിശോധിക്കുന്ന കാപ്പിടോൾ പൊലീസ്. കയ്യുയർത്തി തിരച്ചിലിനോട് സഹകരിക്കുന്ന ഉദ്യോഗസ്ഥനെയും കാണാം. ചിത്രം – Olivier DOULIERY / AFP
Photographer:OLIVIER DOULIERY -
ഡോണൾഡ് ട്രംപിനെ അനുകൂലിച്ച് യുഎസ് കാപ്പിറ്റോളിൽ തടിച്ചുകൂടിയിരിക്കുന്നവർ. (Photo: Samuel Corum/Getty Images/AFP)
Photographer:Samuel Corum -
യുഎസ് കാപ്പിറ്റോളിലേക്ക് കടന്നുകയറിയ ട്രംപ് അനുകൂലികളെ പൊലീസ് പിടികൂടിയപ്പോൾ (Photo: DREW ANGERER / GETTY IMAGES NORTH AMERICA / GETTY IMAGES VIA AFP)
Photographer:Drew Angerer -
പൊലീസ് പിടിയിലായതോടെ ചുറ്റും കൂടിയവർക്കെതിരെ തുപ്പുന്ന ട്രംപ് അനുകൂലി. ചിത്രം – RINGO CHIU / AFP
Photographer:RINGO CHIU -
ട്രംപ് അനുകൂലികൾ മുറികൾക്കുളളിലേക്ക് കടന്നെത്താതിരിക്കാൻ വാതിലുകൾ സോഫയും മറ്റും കൊണ്ട് അടച്ചുഭദ്രമാക്കുന്ന ഉദ്യോഗസ്ഥർ. യുഎസ് കാപ്പിടോൾ മന്ദിരത്തിൽ നിന്നുള്ള ദൃശ്യം. ചിത്രം – Olivier DOULIERY / AFP
Photographer:OLIVIER DOULIERY -
യുഎസ് കാപ്പിറ്റോളിനു പുറത്ത് ‘സ്റ്റോപ്പ് ദി സ്റ്റീൽ’ റാലിയുടെ ഭാഗമായി തടിച്ചുകൂടിയിരിക്കുന്ന ട്രംപ് അനുകൂലികൾ. (Photo: Spencer Platt/Getty Images/AFP)
Photographer:SPENCER PLATT -
യുഎസ് പ്രസിഡന്റ് ഡോണൾഡ് ട്രംപിന്റെ അനുയായികള്‍ കാപ്പിറ്റോളിൽ കടന്നുകയറിയപ്പോൾ. (Photo: Saul LOEB / AFP)
Photographer:SAUL LOEB -
‘യുഎസ് കലാപം’ എന്ന തലക്കെട്ടുമായി ജപ്പാനിൽ പുറത്തിറങ്ങിയ പത്രങ്ങൾ. ചിത്രം – Philip FONG / AFP
Photographer:PHILIP FONG
കാപ്പിറ്റോൾ മന്ദിരം വളഞ്ഞ സംഭവത്തെ കലാപം സൃഷ്ടിക്കാനുള്ള ശ്രമമെന്നു വിശേഷിപ്പിച്ച ജോ ബൈഡൻ, പിൻവാങ്ങാൻ അനുകൂലികൾക്ക് നിർദേശം നൽകാൻ ട്രംപിനോട് ആവശ്യപ്പെട്ടു. സംഭവത്തെ അപലപിച്ച് ബ്രിട്ടനും അയർലൻഡും രംഗത്തെത്തി.
ബൈഡന്റെ വിജയം അംഗീകരിക്കില്ലെന്നു ആവർത്തിച്ച ട്രംപ്, പ്രതിഷേധക്കാരോടു സമാധാനം പാലിക്കാനും മടങ്ങിപോകാനും അഭ്യർഥിച്ചു. പ്രതിഷേധസ്വരങ്ങളെ മൂടിവയ്ക്കാൻ ആർക്കും കഴിയില്ലെന്നും പറഞ്ഞു.
ബൈഡന്റെ വിജയം കോൺഗ്രസ് സമ്മേളനത്തിൽ അംഗീകരിക്കരുതെന്ന ട്രംപിന്റെ അഭ്യർഥന നേരത്തെ വൈസ് പ്രസിഡന്റും സെനറ്റിലെ റിപ്പബ്ലിക്കൻ നേതാവുമായ മൈക്ക് പെൻസ് തള്ളിയതിനു പിന്നാലെയാണു നാടകീയ സംഭവങ്ങൾ.
English Summary: Pro Donald Trump mob breaches Capitol building
