പോരാട്ടം തുടരും, തുടരണം; രണ്ടാംഘട്ട വാക്സീൻ 30 കോടി പേർക്ക്: മോദി
Mail This Article
ന്യൂഡൽഹി∙ കോവിഡിനെതിരെ വാക്സീൻ പ്രതിരോധം തീർക്കാനുള്ള രാജ്യത്തിന്റെ പോരാട്ടത്തിനു തുടക്കം. പ്രധാനമന്ത്രി നരേന്ദ്ര മോദി വിഡിയോ കോൺഫറൻസിലൂടെ വാക്സീൻ കുത്തിവയ്പ്പിനു തുടക്കം കുറിച്ചു. രാജ്യത്തിന്റെ ഏറെനാളായുള്ള േചാദ്യത്തിനു മറുപടിയായെന്ന് പ്രധാനമന്ത്രി പറഞ്ഞു.
ലോകത്തിലെ ഏറ്റവും വലിയ വാക്സീൻ ദൗത്യത്തിനാണു തുടക്കം കുറിക്കുന്നത്. രണ്ടു വാക്സീനുകളും ഇന്ത്യയിൽ തയാറാക്കിയതാണെന്നും അദ്ദേഹം വ്യക്തമാക്കി. ആവശ്യമുള്ളവർക്ക് ആദ്യം നൽകും. കോവിഡിനെതിരായ പോരാട്ടം തുടരും. തുടരണം. മാസ്ക് ഉപേക്ഷിക്കരുത്, കോവിഡ് മാനദണ്ഡങ്ങൾ പാലിക്കണം.
കോവിഡ് മുന്നണിപ്പോരാളികളുടെ ദുരിതം വിവരിക്കുമ്പോൾ വികാരഭരിതനായ പ്രധാനമന്ത്രി ദുഷ്പ്രചാരണങ്ങൾ കണക്കിലെടുക്കേണ്ടതില്ലെന്നും പറഞ്ഞു. രണ്ടാം ഡോസെടുത്ത് രണ്ടാഴ്ച കഴിഞ്ഞാലാണ് പ്രതിരോധശേഷി കൈവരിക. രണ്ടാംഘട്ട വാക്സീൻ 30 കോടി മുതിർന്നവർക്ക് നൽകുമെന്നും പ്രധാനമന്ത്രി പറഞ്ഞു.
ഇന്ന് രാവിലെ 10.30 മുതൽ വൈകിട്ട് 5 വരെ നടക്കുന്ന കുത്തിവയ്പ്പിൽ സംസ്ഥാനത്ത് എല്ലാ ജില്ലകളിലുമായി 133 കേന്ദ്രങ്ങളാണുള്ളത്. ഇന്ന് 3 ലക്ഷത്തോളം ആരോഗ്യ പ്രവർത്തകർക്കാണു കുത്തിവയ്പ്പെടുക്കുക. ഓരോ കേന്ദ്രങ്ങളിലും 100 പേര്ക്കാണ് ഇന്ന് വാക്സിനേഷൻ എടുക്കുക.
English Summary: Centre begins COVID-19 vaccination drive