ബംഗാൾ വനംമന്ത്രി രാജീബ് ബാനർജി രാജിവച്ചു; മമതയ്ക്ക് വീണ്ടും തിരിച്ചടി

കൊൽക്കത്ത ∙ ബംഗാളിൽ തൃണമൂൽ കോൺഗ്രസിന് കൂടുതൽ പ്രതിസന്ധി സൃഷ്ടിച്ച് വീണ്ടും രാജി. ബംഗാൾ വനംമന്ത്രി രാജീബ്‌ ബാനർജി രാജിവച്ചു. തൃണമൂൽ കോൺഗ്രസ് വിട്ട് ബിജെപിയിൽ ചേരുമെന്ന അഭ്യൂഹങ്ങൾക്കിടെയാണ് രാജീബ് ബാനർജിയുടെ രാജി. 

ബംഗാളിൽ നിയമസഭ തിരഞ്ഞെടുപ്പ് അടുത്തിരിക്കെയാണ് മമത ബാനർജിക്ക് കനത്ത തിരിച്ചടിയായി വീണ്ടും രാജി. തനിക്കെതിരെ ചില തൃണമൂൽ നേതാക്കൾ ഗൂഢാലോചന നടത്തുന്നുവെന്ന് പരാതിയുമായി രംഗത്തുവന്നതിനു ദിവസങ്ങൾക്കു ശേഷമാണ്  രാജീബിന്റെ രാജി. കഴിഞ്ഞ കുറച്ച് മാസങ്ങളായി തൃണമൂലിൽ നിന്ന് കൊഴിഞ്ഞുപോയി ബിജെപി ക്യാംപിൽ ചേരുന്നത് പാർട്ടിയിൽ വൻ പ്രതിസന്ധി സൃഷ്ടിക്കുകയാണ്. 

English Summary: Bengal forest minister Rajib Banerjee quits Mamata Banerjee's government