കഴിക്കാത്തതില്‍ പരിഭവം; എംഎല്‍എ സമ്മതിക്കുന്നില്ലെന്ന് കന്യാസ്ത്രീകളോട് രാഹുല്‍
Mail This Article
വയനാട്∙ ഒരു പരിഭവത്തിന് ഉത്തരമായി ചിരിയും ഒപ്പം ചേര്‍ത്ത്പിടിക്കലും സമ്മാനിക്കുന്ന രാഹുല്‍ ഗാന്ധിയുടെ ദൃശ്യങ്ങള്‍ കോണ്‍ഗ്രസ് പ്രവര്‍ത്തകര്‍ സമൂഹമാധ്യമങ്ങളില്‍ ഏറ്റെടുക്കുകയാണ്. വയനാട് കെണിച്ചിറ സിഎംസി കന്യാസ്ത്രീ മഠത്തിലെത്തിയ രാഹുല്‍ ഗാന്ധിയോട് ഭക്ഷണം കഴിക്കാതെ മടങ്ങുന്നതില്‍ കന്യാസ്ത്രീകള്‍ പരിഭവം പ്രകടിച്ചു. എന്താണ് നന്നായി ഭക്ഷണം കഴിക്കാതെ പോകുന്നതെന്ന് രാഹുലിനോട് അവര്‍ ചോദിച്ചു. ഞാന്‍ ഭാരം കുറയ്ക്കുകയാണെന്നായിരുന്നു രാഹുലിന്റെ കുസൃതി കലര്‍ന്ന മറുപടി.
എന്നാല്‍ അങ്ങനെ വിടാന്‍ കന്യാസ്ത്രീകള്‍ ഒരുക്കമായിരുന്നില്ല. ഇതിന് പിന്നാലെ സമീപത്ത് നിന്ന ഐ.സി. ബാലകൃഷ്ണന്‍ എംഎല്‍എ സമ്മതിക്കുന്നില്ല എന്ന് ചിരിയോടെ പറഞ്ഞ് രാഹുല്‍ തലയൂരി. കന്യാസ്ത്രീകള്‍ എംഎല്‍എയെ സമീപിച്ചപ്പോള്‍ സമയം പ്രശ്‌നമാണെന്ന് അദ്ദേഹം വ്യക്തമാക്കി. കൂട്ടച്ചിരിയോടെയാണ് രാഹുല്‍ അവിടെനിന്നും ഇറങ്ങിയത്. വിഡിയോ കാണാം.
English Summary: Rahul Gandhi at Wayanad Convent Video
