‘എന്തുതരം ബജറ്റാണ് കേരളത്തിലേത്?’ കിഫ്ബിക്കെതിരെ നിർമല സീതാരാമൻ

കൊച്ചി∙ കിഫ്ബിക്കെതിരെ കേന്ദ്ര ധനമന്ത്രി നിർമല സീതാരാമൻ. എന്തുതരം ബജറ്റാണ് കേരളത്തിലേതെന്ന് അവർ ചോദിച്ചു. സംസ്ഥാനത്തെ എല്ലാ പദ്ധതിനിർവഹണവും കൈകാര്യം ചെയ്യുന്നത് കിഫ്ബിയാണ്. കിഫ്ബിയുടെ പ്രവർത്തനങ്ങൾ ചോദ്യംചെയ്യപ്പെടേണ്ടതാണെന്ന് സിഎജി വ്യക്തമാക്കിയിട്ടുണ്ട്.

ബിജെപി സംസ്ഥാന അധ്യക്ഷൻ കെ. സുരേന്ദ്രന്‍ നയിക്കുന്ന വിജയയാത്ര തൃപ്പൂണിത്തുറയിൽ എത്തിയപ്പോൾ സംസാരിക്കുകയായിരുന്നു നിര്‍മല സീതാരാമന്‍. ‘ദൈവത്തിന്റെ സ്വന്തം നാട്’ എന്ന ഖ്യാതി ഇടതുസര്‍ക്കാര്‍ കേരളത്തിന് നഷ്ടമാക്കിയെന്ന് കേന്ദ്ര ധനമന്ത്രി ആരോപിച്ചു‍. ഇതിന് മുഖ്യമന്ത്രി മറുപടി പറയണം. കേരളം മൗലികവാദികളുടെ നാടായി മാറി.

സിപിഎമ്മും എസ്ഡിപിഐയുമായി രഹസ്യസഖ്യമുണ്ട്. രാഷ്ട്രീയ കൊലകള്‍ നാള്‍ക്കുനാള്‍ ഏറിവരികയാണെന്നും കോവിഡ് പ്രതിരോധത്തിലടക്കം സര്‍ക്കാര്‍ തികഞ്ഞ പരാജയമാണെന്നും നിര്‍മല സീതാരാമൻ കുറ്റപ്പെടുത്തി.

English Summary: Nirmala Sitharaman Slams Kerala Government