കനത്ത മഴ: വിവിധ ജില്ലകളിൽ യെലോ അലേർട്ട് പ്രഖ്യാപിച്ചു
Mail This Article
പത്തനംതിട്ട ∙ ചൊവ്വാഴ്ച മുതൽ 17 വരെ സംസ്ഥാനത്ത് പല ജില്ലകളിലും കനത്ത മഴയുണ്ടാകാൻ സാധ്യതയുള്ളതിനാൽ യെലോ അലേർട്ട് പ്രഖ്യാപിച്ചു.
2 ദിവസത്തിനുള്ളിൽ ഇടി മിന്നൽ കാരണം കേരളത്തിൽ കുറഞ്ഞത് 4 മനുഷ്യജീവനുകൾ നഷ്ടപ്പെട്ടതായി സംസ്ഥാന ദുരന്ത നിവാരണ അതോറിറ്റി അറിയിച്ചു. കേന്ദ്ര കാലാവസ്ഥ വകുപ്പിന്റെ പ്രവചന പ്രകാരം, വരും ദിവസങ്ങളിലും സമാനമായ ഇടി മിന്നൽ സാധ്യതയുണ്ട്. ഒറ്റപ്പെട്ടയിടങ്ങളിൽ 24 മണിക്കൂറിൽ 6 സെ.മീ. മുതൽ 11 സെ.മീ. വരെ ലഭിക്കുന്ന ശക്തമായ മഴയാണ് പ്രവചിക്കപ്പെട്ടിരിക്കുന്നത്.
യെലോ അലേർട്ട് പ്രഖ്യാപിച്ച ജില്ലകൾ
ഏപ്രിൽ 13: ആലപ്പുഴ, എറണാകുളം, ഇടുക്കി, വയനാട്.
ഏപ്രിൽ 14: തിരുവനന്തപുരം, ഇടുക്കി, പാലക്കാട്, മലപ്പുറം, കോഴിക്കോട്, വയനാട്.
ഏപ്രിൽ 15: തിരുവനന്തപുരം, പത്തനംതിട്ട, ഇടുക്കി, തൃശൂർ, പാലക്കാട്, മലപ്പുറം, കോഴിക്കോട്, വയനാട്.
ഏപ്രിൽ 16: തിരുവനന്തപുരം, പത്തനംതിട്ട, ഇടുക്കി, പാലക്കാട്, മലപ്പുറം, വയനാട്.
ഏപ്രിൽ 17: എറണാകുളം, ഇടുക്കി, തൃശൂർ, പാലക്കാട്, മലപ്പുറം, വയനാട്.
Content Highlights: Heavy rains forecast in Kerala