എന്തിനാണ് ഇനിയും ഉറക്കം തൂങ്ങുന്ന പ്രസിഡന്റ്: ഹൈബിയുടെ ഒറ്റവരി പോസ്റ്റിൽ ചർച്ച
Mail This Article
തിരുവനന്തപുരം ∙ നിയമസഭാ തിരഞ്ഞെടുപ്പിലേറ്റ പരാജയത്തിനു പിന്നാലെ കോൺഗ്രസിനുള്ളിൽ നേതൃമാറ്റം വേണമെന്ന ആവശ്യം ശക്തമാകുന്നു. കെപിസിസി അധ്യക്ഷൻ മുല്ലപ്പള്ളി രാമചന്ദ്രനെതിരെ പരസ്യമായും പരോഷമായും വിമർശനം ഉയരുന്നത് തുടരുകയാണ്. ഫെയ്സ്ബുക്കിൽ ഹൈബി ഈഡൻ എംപിയുടെ ഒറ്റവരി കുറിപ്പും ചർച്ചയായി. എന്തിനാണ് നമുക്ക് ഇനിയും ഉറക്കം തൂങ്ങുന്ന ഒരു പ്രസിഡന്റെന്ന ഒറ്റവരി പോസ്റ്റാണ് വൈറലായത്. കെപിസിസി അധ്യക്ഷനെ ഉന്നമിട്ടുള്ള പരോക്ഷ വിമർശനത്തിനെതിരെ സമൂഹമാധ്യമങ്ങളിലും ഒരു വിഭാഗം വിമർശനവുമായി രംഗത്തു വന്നു.
അതേസമയം കോൺഗ്രസ് പരാജയപ്പെട്ടതിന്റെ ഉത്തരവാദിത്തം തനിക്കെന്നു കെപിസിസി അധ്യക്ഷൻ മുല്ലപ്പള്ളി രാമചന്ദ്രൻ ഹൈക്കമാന്ഡിനെ അറിയിച്ചു. അധ്യക്ഷ സ്ഥാനം സ്വയം ഒഴിയില്ല. ഉചിതമായ തീരുമാനമെടുക്കാം. പ്രതിസന്ധിയില് ഇട്ടെറിഞ്ഞു പോകുന്നത് ഒളിച്ചോടുന്നതിനു തുല്യമെന്നും അദ്ദേഹം പറഞ്ഞു.
English Summary: FB post of Hibi Eden against congress leadership