കേരളത്തിലെത്തിയ കേന്ദ്ര തിരഞ്ഞെടുപ്പ് നിരീക്ഷകന് കോവിഡ്

കൊച്ചി∙ കേരളത്തിലെത്തിയ കേന്ദ്ര തിരഞ്ഞെടുപ്പ് നിരീക്ഷകന് കോവിഡ് സ്ഥിരീകരിച്ചു. ഒഡീഷയിൽനിന്നെത്തിയ ബി. രാജഗോപാലാചാരിക്കാണ് കോവിഡ് സ്ഥിരീകരിച്ചത്. എറണാകുളം ഗസ്റ്റ് ഹൗസിൽ നിരീക്ഷണത്തിൽ കഴിയുകയാണ് അദ്ദേഹം. ബി. രാജഗോപാലാചാരിയുടെ ചികിത്സയ്ക്ക് മെഡിക്കൽ ഓഫിസറെ ചുമതലപ്പെടുത്തണമെന്ന് ജില്ലാ കലക്ടർ ഉത്തരവിട്ടു. തിരഞ്ഞെടുപ്പ് ജോലി പൂർത്തിയാക്കി മടങ്ങാൻ ഒരുങ്ങവെയാണ് അദ്ദേഹം കോവിഡ് ബാധിതനായത്.

English Summary: Kerala election observer B Rajagopalachari got covid