പീഡനക്കേസ് ഒത്തുതീർപ്പ്; ‘രാജി വച്ചില്ലെങ്കിൽ ശശീന്ദ്രനെ പുറത്താക്കണം’
Mail This Article
കൊച്ചി∙ യുവതിയെ കടന്നു പിടിച്ച കേസ് ഒത്തുതീര്പ്പാക്കാന് ഇടപെട്ടെന്ന ആരോപണം നേരിടുന്ന വനം വകുപ്പു മന്ത്രി എ.കെ. ശശീന്ദ്രന് മന്ത്രി സ്ഥാനം രാജിവയ്ക്കണമെന്ന് പ്രതിപക്ഷ നേതാവ് വി.ഡി. സതീശൻ. രാജിക്കു തയാറായില്ലെങ്കില് ശശീന്ദ്രനെ മന്ത്രിസഭയില് നിന്നും പുറത്താക്കാന് മുഖ്യമന്ത്രി തയാറാകണം.
ഭണഘടനാപരമായ പദവിയില് ഇരിക്കുന്ന മന്ത്രിക്കെതിരെ യുവതിയും പിതാവും ഗുരുതരമായ പരാതിയാണ് ഉന്നയിച്ചിരിക്കുന്നതെന്നും അദ്ദേഹം പറഞ്ഞു. കേസ് ഒത്തുതീര്പ്പാക്കാന് വിളിച്ച മന്ത്രി സംസാരിച്ചതു താക്കീതിന്റെ സ്വരത്തിലാണെന്നാണ് പരാതിക്കാരി മാധ്യമങ്ങളോടു വെളിപ്പെടുത്തിയിരിക്കുന്നത്.
മന്ത്രിക്കു കേസിനെ കുറിച്ച് വ്യക്തമായ ധാരണ ഉണ്ടായിരുന്നെന്ന് പെണ്കുട്ടിയുടെ പിതാവും വ്യക്തമാക്കിയിട്ടുണ്ട്. ഒരു സ്ത്രീ നല്കിയ പരാതിയില് മന്ത്രി പദവിയില് ഇരിക്കുന്ന ഒരാള് ഇടപെട്ട് നീതി അട്ടിമറിക്കുന്നത് അതീവ ഗൗരവമുള്ള വിഷയമാണ്. പദവി ദുരുപയോഗം ചെയ്ത് കേസ് അട്ടിമറിക്കാന് ശ്രമിച്ച എ.കെ ശശീന്ദ്രന് ഒരു നിമിഷം പോലും മന്ത്രി സ്ഥാനത്ത് തുടരാന് യോഗ്യനല്ലെന്നും അദ്ദേഹം പറഞ്ഞു.
English Summary: Minister A.K. Saseendran should resign, says V.D. Satheesan