‘ദാരിദ്ര്യം ഉണ്ടെങ്കിലും അത് ആസ്വദിക്കുന്നവരും അതേക്കുറിച്ച് സദാ സങ്കടപ്പെടുന്നവരുമുണ്ട്. ആദ്യത്തെ വിഭാഗം ദാരിദ്ര്യത്തിൽനിന്നു കരകയറും, രണ്ടാമത്തവർ എന്നും ദരിദ്രരായി തുടരും...’ ഡോ.ആരോഗ്യസാമി വേലുമണി എന്ന മുൻ ദരിദ്രനാണ് ഇതു പറഞ്ഞത്. കുടിലിൽനിന്നു കൊട്ടാരത്തിലേക്ക് എന്നൊരു ചൊല്ലുണ്ടെങ്കിൽ അത് അച്ചട്ടാണ് വേലുമണിയുടെ കാര്യത്തിൽ. 5000 കോടിയുടെ അധിപനാണിന്ന്. സ്വയംകെട്ടിപ്പടുത്ത കമ്പനി ഓഹരി വിപണിയിൽ ലിസ്റ്റ് ചെയ്ത് ഒടുവിൽ ഓഹരികളെല്ലാം വിറ്റൊഴിഞ്ഞ കഥ ഇന്ത്യൻ കോർപറേറ്റ് രംഗത്തെ ഇതിഹാസമാണ്..
