സ്വർണക്കടത്ത്: ജുഡീഷ്യൽ അന്വേഷണം സ്റ്റേ ചെയ്തതിനെതിരെ സർക്കാർ അപ്പീൽ

കൊച്ചി ∙ സ്വര്‍ണക്കടത്ത് കേസ് അന്വേഷിക്കുന്ന ഇഡി ഉദ്യോഗസ്ഥര്‍ക്കെതിരായ ജുഡീഷ്യല്‍ അന്വേഷണം സ്റ്റേ ചെയ്ത ഹൈക്കോടതി സിംഗിൾ ബെഞ്ചിന്റെ ഉത്തരവിനെതിരെ സർക്കാരിന്റെ അപ്പീൽ. ഡിവിഷൻ ബെഞ്ചിലാണ് അപ്പീൽ നൽകിയത്. ഉത്തരവ് റദ്ദാക്കണം എന്നാണ് ആവശ്യം. ജുഡീഷ്യല്‍ അന്വേഷണത്തെ ചോദ്യം ചെയ്തു ഹര്‍ജി നല്‍കാന്‍ ഇഡിക്ക് സാധിക്കില്ലെന്ന വാദമാണ് സര്‍ക്കാര്‍ ഉയർത്തിയത്. 

ഹർജിയുടെ സാധുത ശരിവച്ചതിൽ സിംഗിൾ ബെഞ്ചിനു വീഴ്ച സംഭവിച്ചു. സമാന്തരമായ അന്വേഷണം പ്രതികളെ സഹായിക്കുമെന്ന പരാമർശം ശരിയല്ലെന്നും സർക്കാർ വാദിക്കുന്നു. സർക്കാരിന്റെ അപ്പീൽ ഹർജി പരിഗണിക്കുന്നത് ഹൈക്കോടതി ബുധനാഴ്ചത്തേക്കു മാറ്റി. സാങ്കേതിക പിഴവ് ചുണ്ടിക്കാട്ടിയാണ് നടപടി. 

English Summary : Gold Smuggling Case :Government appeal against hc stay in judicial enquiry