പഞ്ചാബ് മുഖ്യമന്ത്രിയായി ചരൺജിത് സിങ് ഛന്നി അധികാരമേറ്റിട്ട് വിരലിലെണ്ണാവുന്ന ദിവസങ്ങളേ ആയിട്ടുള്ളൂ. രാംദാസിയ സിഖ് സമുദായാംഗമായ അദ്ദേഹം സംസ്ഥാനത്തു മുഖ്യമന്ത്രി പദത്തിലെത്തുന്ന ദലിത് വിഭാഗത്തിൽനിന്നുള്ള ആദ്യ വ്യക്തിയാണ്. ഛന്നി ഉൾപ്പെടെ രാജ്യത്ത് ഇതുവരെ പട്ടികജാതി വിഭാഗത്തിൽനിന്നു മുഖ്യമന്ത്രി പദത്തിലെത്തിയത് 8 പേർ മാത്രം. അവരിൽത്തന്നെ കാലാവധി തികച്ചത് ഒരാൾ മാത്രം. ബാക്കിയുള്ളവരെല്ലാം ഏതാനും മാസങ്ങളും ദിവസങ്ങളും മാത്രമാണ് അധികാരത്തിലിരുന്നത്. രാജ്യത്തെ ദലിത് മുഖ്യമന്ത്രിമാരുടെ ആ ചരിത്രത്തിലൂടെ...
