മുല്ലപ്പെരിയാർ ജലനിരപ്പ് തമിഴ്നാട് കുറയ്ക്കുമെന്നു പ്രതീക്ഷ: മന്ത്രി റോഷി അഗസ്റ്റിൻ
Mail This Article
തിരുവനന്തപുരം ∙ മുല്ലപ്പെരിയാർ അണക്കെട്ടിലെ ജലനിരപ്പ് കുറയ്ക്കാൻ തമിഴ്നാട് തയാറാകുമെന്നാണ് പ്രതീക്ഷയെന്ന് മന്ത്രി റോഷി അഗസ്റ്റിൻ. കാലാവസ്ഥാ മാറ്റം ഉൾപ്പെടെ ചൂണ്ടിക്കാട്ടി തമിഴ്നാടിന് കേരളം ഇതിനകം കത്തയച്ചതായും സമൂഹമാധ്യമത്തിലെ കുറിപ്പിൽ മന്ത്രി വ്യക്തമാക്കി.
ഫെയ്സ്ബുക് പോസ്റ്റിന്റെ പൂർണരൂപം:
നിലവിലെ സ്ഥിതി ചർച്ച ചെയ്യാൻ ഉന്നതതല അടിയന്തര യോഗം ഇന്ന് മൂന്നിന് ഓൺലൈനായി നടക്കും. തമിഴ്നാടിന്റെ പ്രതിനിധികളും പങ്കെടുക്കും. അണക്കെട്ടിലെ ജലനിരപ്പു കുറയ്ക്കാൻ തമിഴ്നാട് തയാറാകുമെന്നാണു പ്രതീക്ഷ. തമിഴ്നാട് കൂടുതൽ വെള്ളം എടുക്കുന്നുണ്ട്. ആശങ്ക പരത്തേണ്ട കാര്യങ്ങൾ ഇപ്പോഴില്ല. കേരളം ഉന്നയിച്ച പ്രശ്നങ്ങൾ മേൽനോട്ട സമിതി യോഗത്തിൽ പരിഹരിക്കാൻ കഴിയും. കാലാവസ്ഥാമാറ്റം ഉൾപ്പെടെ ചൂണ്ടിക്കാട്ടി തമിഴ്നാടിനു കേരളം ഇതിനകം കത്തയച്ചിട്ടുണ്ട്.
English Summary: Minister Roshy Augustine on Mullaperiyar Dam issue